policija - Кепенци

Приведен дилер на кокаин од Арачиново

Editor — Thu, 06 Oct 2022 09:33:51 +0000

Како што соопшти МВР, oдделот за сузбивање со организиран и сериозен криминал – Сектор за криминалистички истраги – Единица за недозволена трговија со дрога, по повеќемесечна полициска истрага, на 05.10.2022 година привеле дилер на кокаин од скопско Арачиново.

Во рамките на спроведената криминалистичка истрага во периодот од јуни до октомври 2022 година, во координација со ОЈО Скопје, Единицата за недозволена трговија со дрога обезбеди материјални докази за Е.А.(23), за кој постојат основи на сомнение дека сторил кривичното дело „неовластено производство и пуштање во промет наркотични дроги, психотропни супстанци и прекурсори“, казниво по член 215 од Кривичниот законик.

При претрес извршен во домот на Е.А. во скопско Арачиново, врз основа на наредба издадена од судија на претходна постапка од Основен кривичен суд Скопје, билe пронајдени предмети поврзани со кривични дела, а лицето е приведено. Во координација со надлежен Јавен обвинител од ОЈО Скопје, во текот на денот против него ќе биде поднесена кривична пријава по брза постапка. Против истото лице во март 2019 година, исто така, беше поднесена кривична пријава поради недозволена трговија со кокаин.

Извор: МВР

The post Приведен дилер на кокаин од Арачиново first appeared on Кепенци.

За само 4 часа штипската полиција упати 21 камион на вонреден технички преглед

Editor — Tue, 04 Oct 2022 13:25:15 +0000

Денеска (04.10.2022) во времето од 07.00 до 11.00 часот на подрачјето на СВР Штип била спроведена акциска контрола на возачи кои управуваат товарни возила. За време на контролата 21 возило биле упатени во станица за вонреден технички преглед.

Притоа биле констатирани 4 прекршоци во однос на возила, од кои 3 за техничка неисправност и 1 за неносење сообраќајна дозвола. Преземени се 4 мерки за констатирани прекршоци кај возачи, од кои 3 за бесправно управување и 1 на возач почетник.

Засилените акциски контроли продолжуваат и во наредните денови.

Извор: МВР

The post За само 4 часа штипската полиција упати 21 камион на вонреден технички преглед first appeared on Кепенци.

Крадци во Скопје, изработка на лажни платени картички и дилер во Охрид

Editor — Fri, 30 Sep 2022 11:17:46 +0000

Вчера на 29 09.2022 приведени се тројца дваесет годишни крадци во Скопје кои се фатени на дело. На ул.„11 Октомври“ во Скопје полициски службеници од Единицата за интервентна полиција при СВР Скопје ги привеле П.К.(23) и С.Д.(20), двајцата од Скопје и С.Ј.(20) од Велес.

Тие биле затекнати како оштетуваат излози на две правни лица, при што одзеле и разни предмети. Одземените предмети биле пронајдени и вратени на сопствениците, а лицата биле приведени во Полициската станица Кисела Вода и со нив бил извршен службен разговор.

За случајот е известен Јавен обвинител и против нив ќе поднесе соодветна пријава.

Исто така вчера СВР Скопје – Единица за економски и компјутерски криминал поднесе кривична пријава против Ѓ.Б.(50) од Скопје, поради постоење основи на сомнение за сторено кривично дело „изработка и употреба на лажна платежна картичка”.

Пријавената, во текот на мај 2022 година, обезбедила податоци од платежна картичка на оштетеното лице и ги употребила за вршење на 12 неовластени трансакции за купување на разни услуги во вкупна вредност од 17.000 денари и за тој износ го оштетила лицето, а таа се стекнала со противправна имотна корист.

Додека во Охрид на 29.09.2022, полициските службеници од Одделението за недозволена трговија со дрога при СВР Охрид го лишиле од слобода С.П.(41) од Охрид.

Во неговиот дом, извршен со судска наредба, биле пронајдени и одземени две ќеси со марихуана, ќеса со кафеава грутчеста материја и повеќе таблетки.

Тој бил приведен во полициска станица и по целосно документирање на случајот против него ќе биде поднесена соодветна пријава.

The post Крадци во Скопје, изработка на лажни платени картички и дилер во Охрид first appeared on Кепенци.

Приведен дваесетгодишен криумчар од кратовско – превезувал мигранти од Сиријa

Editor — Mon, 26 Sep 2022 11:23:14 +0000

Денес во 00.15 часот полицијата од Полициската станица Кратово го уапсиле лицето С.С.(20) од с.Туралево, кратовско. На регионалниот пат Р-1105, во правец на крстосница Богданци – с.Фурка, полициски службеници од Полициската станица за граничен надзор и гранични проверки Стар Дојран го забележале С.С. како со возило „фолксваген туран“, со кумановски регистарски ознаки, превезува лица мигранти.

Полициските службеници успеале да го стигнат, по што тој и неколку мигранти побегнале од местото, а во возилото биле пронајдени три лица мигранти од Сирија.Увид на местото извршиле инспектори од Одделението за прекуграничен криминал Гевгелија и екипа од Полициската станица Гевгелија. По преземени мерки и активности од страна на полициските службеници, возачот бил пронајден и приведен во полициска станица.

Во координација со Јавен обвинител, по целосно документирање на случајот против него ќе биде поднесена соодветна пријава.

The post Приведен дваесетгодишен криумчар од кратовско – превезувал мигранти од Сиријa first appeared on Кепенци.

Македонските граѓани мета на странски измамници – приведен измамник од Романијa

Editor — Fri, 16 Sep 2022 09:54:48 +0000

Од почетокот на годината македонските граѓани се се’ повеќе мета на странски измамници. Покрај виртуелните измами што тешко се докажуваат пред македонската полиција, сега веќе видливите измами резултираат со приведувања на ваквите лица.

На 15.09.2022во 13.30 часот во с.Ранковце, полициски службеници од Полициското одделение Ранковце било приведено лице од Романија на 23 годишна возраст со иницијали Г.И.

Тој се сомничи дека истиот ден измамил 74-годишен маж од Крива Паланка за сума од 700 евра. Како што е пријавено, тој се претставил дека е претставник на компанија за брендирани производи за домаќинство и се договориле за сумата да му продаде некои производи.

Откако Г.И. заминал оштетениот забележал дека производите не се од компанијата, односно не се оригинали, по што настанот го пријавил во полициска станица.

По целосно документирање на случајот против него ќе биде поднесена соодветна пријава.

The post Македонските граѓани мета на странски измамници – приведен измамник од Романијa first appeared on Кепенци.

Кога си од работа на излет

Editor — Sun, 01 May 2022 15:34:08 +0000

Да живее 1 Мај, на здравје Ифтар, честит Велигден, пази радар …

Во случајот, се работи за полицаец во режим на рамазански пости, кому Ифтарот му се погодил во работно време, некаде на патиштата низ Македонија.

Ако велат дека новите картонски полицајци се мртви и здрвени, тогаш живите полицајци ни се живи, поживи и не можат да бидат.

На здравје !

The post Кога си од работа на излет first appeared on Кепенци.