pozari - Кепенци

Пожарите и ПМ 2,5 нова закана за чистиот воздух

Editor — Wed, 07 Sep 2022 12:05:21 +0000

Светската метеоролошка организација и Обединетите нации предупредуваат дека загадениот воздух допрва ќе станува проблем, со сѐ поголема доминација на честичките со 2,5 ПМ волумен кои е тешко да се идентификуваат, а лесно патуваат на големи далечини.

Во неодамна објавената анализа во фокусот се големите шумски пожари кои предизвикаа енормно покачени нивоа на ПМ 2,5 честичките во Сибир, Канада и во западниот дел на САД.

Климатските промени, топлото време и сушното лето, кое годинава зафати голем дел од светот, се сметаат за ризик кој допрва ќе предизвикува пожари.

Обединетите нации соопштија дека поради климатските промени екстремните горештини – шумските пожари ќе станат почести, поинтензивни и подолги, што ќе го влоши квалитетот на воздухот и здравјето на луѓето.

Според проекциите на генералниот секретар на Светската метеоролошка организација, Јука Петери Таалас дури и со слаба емисија на CO2 и други загадувачи кои го поттикнуваат т.н. Ефект на стаклена градина, затоплувањето на планетата ќе предизвика зголемување на бројот на шумски пожари и загадување на атмосферата.

Една третина од светската популација живее во областите каде повеќе ќе се почувствува оваа појава на покачени нивоа на ПМ честичките, а тоа е поголем дел од Азија, објасни Лоренцо Лабрадор, одговорен за научни прашања во Светската метеоролошка организација. Според тоа, климатските промени, во не толку далечна иднина, би можеле да го загрозат здравјето и животот на стотици милиони луѓе.

The post Пожарите и ПМ 2,5 нова закана за чистиот воздух first appeared on Кепенци.

Словенија гори

Editor — Sat, 23 Jul 2022 09:22:51 +0000

Словенија се соочува со најголемите шумски пожари во последните 30 години од прогласувањето независност. Во Службата за Цивилна заштита велат дека крајот на пожарите ниту оддалеку не се гледа.

Од огнот се зафатени подрачја од 2000 хектари, а гаснењето освен поради непристапните терени е отежнато и поради експлозиите на останати гранати од Првата Светска Војна.

Во гаснењето се ангажирани сите противпожарни служби и сѐ што е на располагање од полицијата и војската, помогнати од доброволци граѓани. На терен се и хеликоптери од Австрија, Словачка и Хрватска.

Стотици луѓе се евакуирани од селата бо близина на огнената стихија.

Најавата за продолжување на сувото и многу топло време дод крајот на идната седмица, не влеваат многу надеж за конечно ставање на пожарите под контрола. Упатените велат дека само обилен дожд може вистински ефикасно да помогне во гаснењето.

The post Словенија гори first appeared on Кепенци.

Жешкиот бран ги разгорува пожарите во јужна Европа

Editor — Sat, 16 Jul 2022 08:41:29 +0000

Португалија, Шпанија и делови од Франција веќе втора недела се борат со огнените стихии поради кои се евакуирани илјадници лица од загрозените подрачја.

Бројот на директно настрадани е неколку десетици, но се смета дека како индиректна последица од жешкото и суво време настрадале повеќе стотици луѓе.

Освен Португалија, Шпанија и Франција кои поради најавите за температури од над 47°С воведоа портокалови и црвени тревоги и вонредни состојби во одредени подрачја, од жешкиот бран, сушата и ризикот од пожари се зафатени и северен Мароко, Италија, но и делови од Хрватска и Грција.

Освен што директно негативни влијаат на туризмот, бидејќи најголемите пожари се во близина на познати туристички одморалишта, пожарите и сушното време негативно ќе се одразат и на земјоделието, што уште повеќе ќе го нагласат недостигот на храна, особено жито и житни производи, предизвикан со војната во Украина.

The post Жешкиот бран ги разгорува пожарите во јужна Европа first appeared on Кепенци.