Поради дефект на водоводната мрежа, утре, 28 декември 2025 година (недела), ќе има прекин во водоснабдувањето во делови од Битола, информираат од ЈКП „Водовод“ – Битола.
Без вода ќе останат корисниците од Брусничка населба, во близина на маркетот „Анџела“, а можен е прекин и во делови од населбите Нова Битола и Баир.
Прекинот ќе започне во 08:00 часот и ќе трае до завршување на интервенцијата за отстранување на дефектот.
Од ЈКП „Водовод“ апелираат до граѓаните навремено да обезбедат резерви на вода и се извинуваат за можните непријатности.
