2022 - Кепенци

Водата е живот (видео резиме на ЈКП Водовод Битола за 2022)

Editor — Fri, 30 Dec 2022 10:56:44 +0000

2022 година за ЈКП Водовод Битола беше посветена на многу работа и сериозни предизвици.

Го максимизиравме капацитетот со кој што располагаме, токму за целта поради која постоиме, граѓаните.

Нашата работа всушност е секојдневно огромен напор и ангажирање за нормално и квалитетно водоснабдување и обезбедување чиста питка вода до сите наши корисници – се вели во предновогодишното соопштение на Водовод Битола.

Мрежата со која располагаме постојано има потреба од тековно одржување и обновување. Но, тука не застануваме. Нашите напори не помалку се насочени и кон изградба на нова мрежа.

Кога се сумираат резултатите, а овој период – завршувањето на една календарска година, се согледуваат резултатите, но и пропустите, ама исто така е време да ја потврдиме посветеноста и совесноста на сите вработени во ЈКП Водовод и да им оддадеме признание и благодарност за нивниот ангажман – велат во битолското јавно претпријатие и порачуваат:

ЈКП Водовод Битола и во 2023 останува докрај посветено на корисниците и најквалитетно обезбедување на услугите кои им ги испорачуваме.

The post Водата е живот (видео резиме на ЈКП Водовод Битола за 2022) first appeared on Кепенци.

Меси ја комплетираше колекцијата со трофеи (ГАЛЕРИЈА)

Editor — Sun, 18 Dec 2022 18:21:06 +0000

Фудбалот е колективна тимска игра, но вечерва сите место Аргентина јавуваат дека победи Меси

Неизвесноста до последен момент, ги сопре гласините за местенки, а коментарите од скептични и резервирани пред почетокот сега се претворија во епски коментари од типот: – фудбалските фанови имаа ретка можност да го проследат најдобриот и најнеизвесниот натпревар во последните 30-50 години.

The post Меси ја комплетираше колекцијата со трофеи (ГАЛЕРИЈА) first appeared on Кепенци.

Брендот Бела Ноќ во Битола слави една деценијa

Editor — Thu, 25 Aug 2022 18:40:54 +0000

Оваа година Белата ноќ во Битола слави 10 јубилејно издание. Двете ноќи на 26 и 27 август битолчани ќе ги забавуваат познати имиња и докажани уметници за да ја доловат атмосферата на највисоко ниво. Журката ќе започне во 21 и 30 часот а се очекува да трае најмалку до 2 часот после полноќ на плоштадот Гоце Делчев.

Во петок на 26 август ќе настапи

Камерниот Оркестар,
Ламбе Алабаковски,
Наде Талевска,
Ирена Димовска,
Виктор Апостоловски,
ДЈ Љубиша и
Нико Ѓоргиевски

додека во сабота на 27 ѕвезда на вечерта ќе биде Кирил Џајковски а ДЈ Ацика и ДЈ Љубиша Милошевски ќе бидат тука за да не спласне еуфоријата која што се очекува да биде на највисоко ниво.

Тимот на kepenci.mk им го честита 10 јубилејно издание на ШИРОК СОКАК ВО БЕЛО и му посакува да слави уште најмалку 10 по 100 јубилеи.

The post Брендот Бела Ноќ во Битола слави една деценијa first appeared on Кепенци.

ГАЛЕРИЈА – 34 членови на Кралското семејство на генерацијата 2022

Editor — Thu, 16 Jun 2022 18:26:34 +0000

За Кепенци и Ројал Пром нема поголема награда од радоста на З4 насмеани лица во 16 наградени фотографии.

Наголемо е задоволството на 50 ПРИЈАТЕЛИ, кои препознаа дека една искрена насмевката на нашите битолски деца вреди повеќе од сите профити на светот.

The post ГАЛЕРИЈА – 34 членови на Кралското семејство на генерацијата 2022 first appeared on Кепенци.

За прв пат во Битола: Royal Prom – Избор на матуранти на генерацијата

Editor — Thu, 02 Jun 2022 12:16:56 +0000

Интернет порталот Кепенци.мк кој е новорoдeнче во виртуелниот медиумски „етер“ во Македонија, со првата дружба и фотографирање со матурантите од СЕУ „Јане Сандански“ ја почна големата акција за избор на матуранти на генерацијата 2022.

*линк од гласањето: https://www.kepenci.mk/royal-prom-of-bitola/

Идејата е матурантите од сите средни училишта во градот преку кампањата Royal Prom да добијат поголема видливост и влијание, во услови кога младите во Битола воопшто се чувствуваат по малку запоставени и игнорирани од општеството.

На неколкуте средби кои ги имавме со претставници на Младинскиот совет на Битола и средношколци од матурските одбори околу идејата за ваква заедничка акција, младите ни рекоа – шуќур на некој да му текни на нас, оти нас никој не не есапи серозно ниту ни обрнува внимание, па дури и дома. Независно дали е ова правило или исклучок, дали е објективен одраз на реалноста или субјективен впечаток кој се разликува од случај до случај, сепак звучи болно отрезнувачки и создава чувство на одговорност кај секој возрасен во градот – велат од редакцијата на kepenci.mk за развојот на идејата и процесот низ кој се стигна до Royal Prom.

Така обичната идеја за поголема видливост на младите во градот и промоција на Младинскиот совет на Битола, кој е формиран пред речиси една деценија, но дури ни голем дел од младите до пред некое време не знаеле дека постои, преку заеднички акции и кампањи со порталот kepenci.mk прерасна во сеопфатна градска акција во која возрасните, институциите, бизнис секторот, естрадата … заеднички многу јавно и многу гласно и опипливо ќе им покажат на нашите деца кои зачекоруваат во светот на возрасните – дека ни се важни.

Крајно време е Младинскиот совет на Битола, да не биде само една убава идеја на хартија, туку вистински проактивно тело кое ќе ги организира младите и ќе ги застапува нивните интереси пред институциите. Мислам дека оваа генерација млади има сериозен потенцијал, желба и волја да успее да се избори со тоа за конечно возрасните да почнат да не сфаќаат сериозно, како релевантна сила за помош и рамноправен партнер, а не како товар и обврска
– вели Ивана Атанасовска, претседател на Младинскиот совет на Битола

Кампањата на kepenci.mk која е замислена како забава и игра, иако носи многу сериозна порака, преку медиумот на кој младите денес трошат најголем дел до своето време – Интернетот има за цел да ги мотивира, ангажира, поттикне и обедини матурантите од целиот град и преку настанот Royal Prom да им пренесе порака дека се, и тоа како, важни за Битола и за нејзината иднина.

Преку фотографии – сериозни, групни, смешни, глупави, креативни, духовити, низ кампања за гласање која матурантите самите ќе ја спроведуваат, но и преку сериозни предлози за вреднување, почитување и наградување на нашите не само убави, туку и паметни деца, низ натпревар и симболично внимание преку секакви награди – матурантите на овој начин нема само да се забавуваат, туку ќе го развиваат својот претприемачки и организациски дух, натпреварувајќи се меѓу себе не само во убавина, како што изгледа на прв поглед, туку и во способност самите да поттикнат, организираат и осмислат своја сопствена кампања во најсериозна маркетиншка смисла.

Ова е до толкава мера заедничка акција, што самите матуранти беа прашувани за сферата на интерес, што за нив би било интересно како награда, што сакаат, а што не, што им е кул, а што пфф, што само по себе претставува и своевидно статистичко истражување, за тоа на што, на пример ова лето матурантите најмногу би се радувале. На пример желбата за патување, летна авантура, излегување и забава им е очекувано на прво место, но тука е интересот за полагање за возачка дозвола, планови за студирање, грижа за своето тело, убавина и исхрана, додатоци, брендови, накит, понекоја книга, спортски натпревари, авантуристички спортови, па дури и јавање коњи како необична љубопитност и желба.

Така од обична желба за медиумска соработка и обичен тековна интернет промоција, се роди идејата за една голема кампања во која безмалку ќе биде вклучен целиот град, со сериозен потенцијал да прерасне во традиционален генерациски настан на битолските матуранти.

Кампањата Royal Prom се состои од три етапи :

Фотографирање на матурантите од сите училишта пред почетокот и за време на нивните матурски прослави, од 17 до 26 мај
Гласање на порталот Кепенци.мк каде ќе бидат објавени галериите за Royal Prom 2022 од 27 мај до 12 јули
Голема градска матурска забава на отворено, на платото пред Офицерски дом со прогласување на Prom King , Prom Queen и другите членови на матурското „кралско семејство“ на Битола, со наши битолски естрадни изведувачи

Кампањата ќе има и хуманитарна компонента – акција во која матурантите заедно со спонзорите и поддржувачите ќе соберат средства кои ќе се донираат материјални добра и парични средства со прецизна намена, на социјално загрозено семејство, за кое самите матуранти од „кралското семејство“ ќе се одлучат.

Од самиот почеток, акцијата е поддржана и од популарниот македонски музичар, битолскиот Супермен Виткор Апостоловски, кој вели дека иако помина повеќе од деценија од времето кога тој бил матурант, се препознава и целосно се идентификува со фрустрираноста на матурантите поради чувството дека се игнорирани од општеството, но и со целта на кампањата малку да размрда, да освести и да сврти внимание кон оваа важна генерациска возраст за иднината на Битола.

Виктор, кој е постојано меѓу матурантите, што виртуелно, што вистински, ќе биде и водител на завршната забава на Royal Prom пред Офицерски.

@kepenci.mk
@professor_va #fyp kepenci.mk Royal Prom 2022
♬ original sound - kepenci.mk

Целата кампања, досега наиде на позитивен одзив кај бизнис заедницата на Битола која, секој на свој начин, достојно ќе ги испочитува матурантите со соодветни награди, е поддржана од Општина Битола, Младинскиот совет, Културниот и Информативен Центар (Офицерски дом) и Здружението на граѓани за афирмација на дигиталната култура QR Општество кое е партнерски задолжено за интернет промоцијата на Royal Prom of Bitola 2022.

Галерија од завршниот настан: https://www.kepenci.mk/galerija-final/

The post За прв пат во Битола: Royal Prom – Избор на матуранти на генерацијата first appeared on Кепенци.