bitola - Кепенци

Фотогалерија од завршниот настан ROYAL PROM OF BITOLA 2023

Editor — Mon, 19 Jun 2023 07:10:22 +0000

На 15 јуни 2023 година по втор пат во Голд Фелициа се одржа доделувањето на наградите од малдинската акција, за избор на матуранти на годината по името ROYAL PROM OF BITOLА.

Скроминот настан поддржан од пријателите на матурантите беше организиран од QR Општество и www.kepenci.mk заедно со волонтери, матуранти и поединци кои несебично се вложија да се продолжи и одржи настанот по секоја цена.

Подароци зедоа над 45 учесници од вкупно над 800 матуранти благодарение на поддржувачите на организацијата на настанот и матурантите, со што уште еднаш се покажува дека искреноста и почитта кон младите знае да возврати со нивниот интерес за настанот и младинската акција.

Во продолжение фотогалерија од настанот.

The post Фотогалерија од завршниот настан ROYAL PROM OF BITOLA 2023 first appeared on Кепенци.

Прекин со водоснабдувањето од потегот ул. “Кирил Пејчиновиќ” до ул. “Десетта”

Editor — Thu, 23 Feb 2023 10:13:58 +0000

Во текот на денешниот ден 23.02.2023 (четврток), поради дефект АЗЦ Ф -100 во населба Девеани, со прекинато водоснабдување ќе бидат корисниците од потегот ул. “Кирил Пејчиновиќ” до ул. “Десетта”

Прекинот ќе трае до завршување со санацијата на дефектот.

The post Прекин со водоснабдувањето од потегот ул. “Кирил Пејчиновиќ” до ул. “Десетта” first appeared on Кепенци.

„Борба” на изворот – 60 години Музичка младина на Македонија

Editor — Sun, 29 Jan 2023 17:19:05 +0000

Во далечната 1963, кога Македонија сѐ уште ги поставуваше своите современи културолошки темели како самостојна република (тогаш во рамките на Југославија) група млади музички ентузијасти, предводени од тогаш младата надежна пијанистка, битолчанката Милица Шперовиќ ја формираа Музичката младина на Македонија.

60 години подоцна, обврската на новите генерации македонски млади музичари е уште поголема, не само заради светата должност да ги сочуваат и надоградат темелите, туку и заради предизвиците на „модерното” време во кое она што се нарекува „класична музика” мора да прави компромиси за да опстои на пазарот на современиот популизам како никогаш досега напаѓан од комерцијалниот невкус кој „продава” и „конзумира” (буквално голта) музика.

Во такви услови, парадоксално, младината, во овој случај – музичка, ја има тешката задача додека и самата учи и се надградува, истовремено да едуцира и гради нова публика, не само во градинките и училиштата, туку и кај возрасните генерации, кои денес имаат сѐ помалку можности да научат нешто повеќе од тоа што низ образованието и градењето како личности, досега (недоволно) го осознале.

Таква задача, пред публиката во Офицерски во Битола, имаа деветтемина членови на камерниот истоимен гудачки „Нонет +” под диригентската палка на композиторот и диригент Ангел Спироски, кои чествувањето на „наследството” на 60 годишниот Јубилеј на МММ го почнаа токму од Битола, на изворот и во местото каде што почна целата приказна на организирање на младите македонски музичари.

Дарко Гроздановски, Памела Велкова, Ивана Здравкова, Тамара Охомуш, Верица Ајтовска, Кристина Стојановска, Анеса Зајази, Магдалена Дрмач и Ивона Давидовска, успешно се справија со тешката и одговорна задача – преку сеќавање на музичката мисија почната од Битола, да продолжат со своја мисија и БОРБА за сочувување на сеќавањето, но и угледот на цела една 60 годишна „епоха”.

„Борба” е всушност лајтмотивот од кој диригентот Ангел Спироски се водел во креирањето на Програмата за јубилејниот концерт, мајсторски комбинирајќи времиња, жанрови и дела во кои борбата (со самиот себе, со гревот, со братот, на бојното поле …) ги поврзува композиторите кои живееле во, со векови оддалечени епохи.

Фрагменти од концертот

Џ. Тавенер – „The Lamb” од филмот „Children of Men“
Х. И. Бибер – „Battalia a 9“
A. Перт – „Fratres“
Г. Холст – „Moorside Suite“
М. Рихтер – “On the Nature of Daylight”

Необично за еден ваков концерт, амбициозно, но воопшто не и претенциозно, Спироски се обиде да ја „раскаже” приказната за БОРБАТА, правејќи наративна увертира во делата, кои денес „комерцијално преживуваат” преку нивната примена во филмови и серии, па дури и оние од пред повеќе од 100 години, кои живеат преку индиректни влијанија, во саундтракот на култни филмови како на пример „Војна на ѕвездите”.

Амбициозно-ризичниот потфат, особено за млади музичари, на пр. да се долови татнежот на трубите на бојното поле само со гудачки инструменти, најсоодветно ја отсликува храброста како одлика на младоста, која од ништо не се плаши, сѐ може и што е најважно – сѐ сака.

Токму во тоа САКАЊЕ е најсилното оружје во БОРБАТА на овие смели млади луѓе, како „жители на иднината” решително да ги сочуваат и пренесат вредностите кои ги наследиле како аманет.

Како и на секој роденден, превкусните префинети колачи за публиката, само ја заокружија оваа „гала” уметничка понуда, која благодарение на Културниот и информативен центар – Битола со поддршка Општина Битола, допре до вистинските музички сладокусци.

The post „Борба” на изворот – 60 години Музичка младина на Македонија first appeared on Кепенци.

Богојавление во Св. Димитриј во Битола (ГАЛЕРИЈА)

Editor — Thu, 19 Jan 2023 14:27:43 +0000

The post Богојавление во Св. Димитриј во Битола (ГАЛЕРИЈА) first appeared on Кепенци.

Прекин со водоснабдувањето на потегот Музичко – Безистен и зградата Шекерзада

Editor — Wed, 11 Jan 2023 17:43:13 +0000

Во текот на утрешниот ден 12.01.2022 (четврток), поради промена на овални затворачи на ул.Булевар Први Мај со прекинато водоснабдување ќе бидат корисниците од:

Зграда Шехерезада,
Безистен и
објектите од Музичко училиште до Рудо Јагне

Прекинот ќе трае од 8.30 до завршување со активностите.

The post Прекин со водоснабдувањето на потегот Музичко – Безистен и зградата Шекерзада first appeared on Кепенци.

Божик во Офицерски во Битола (галерија)

Editor — Sun, 08 Jan 2023 20:17:30 +0000

Во преполнетата концертна сала на некогашниот Офицерски дом (денес КИЦ) во Битола, се одржа Божикен концерт на кој настапија:

Детскиот хор „Свети Стилијан“ од Битола

хорот „Свети Ахил Преспански“ од Ресен и

Машкиот хор „Свети Нектариј Битолски“

Хоровите беа поздравени со аплаузи од бројната одушевена публика, меѓу кои имаше и високи црковни и општински великодостојници, предводени од митрополитот г. Петар и битолскиот градоначалник Тони Коњановски.

The post Божик во Офицерски во Битола (галерија) first appeared on Кепенци.

Бадник во Битола – И сонцето ги поздрави сонцињата на Широк Сокак (ГАЛЕРИЈА)

Editor — Fri, 06 Jan 2023 14:51:47 +0000

По магливата ноќ, и неколкудневните густи магли надвиснати над Битола, на Бадник главната битолска пешачка улица Широк Сокак, осамна со детски џагор, и секако – мајки, баби, тетки, стрини и вујни … и по некој татко, кои се чини правеа повеќе метеж и врева од децата.

Ако Божик е Празник на мирот и радоста, тогаш нема ништо подобро од детската радост која благовести за Раѓањето. А на мирот? … Белки со тек на време сите постепено ќе се научиме.

Вечниот Бог слегува
и во утробата на Дева се вселува:
Свет, Свет, Свет си Пресвет Господи!

Царот на сите и Господ
дојде Тој што Адам го создаде:
Херувим, Херувим, радувај се, радувај
Пресвета Владичице!

Рождеството поучува и сe радува,
а чиновите ангелски се зачудени:
Терирем, терирем, радувај се, радувај
Пречиста Владичице!

Дојдете до пештерата да се приближиме,
во јасли како лежи Господ да го видиме:
Свет, Свет, Свет си Пресвет Господи!

Од Исток мудреци доаѓаат
и дарови носат достојни:
Херувим, Херувим, радувај се, радувај
Пресвета Владичице!

Кога слушна Ирод за настанот,
целиот се потресе озлобениот:
Терирем, терирем, радувај се, радувај
Пречиста Владичице!

Небесата слават и се радуваат,
ангелите Го воспеваат:
Свет, Свет, Свет си Пресвет Господи!

Се радуваат созданијата,
и празнува природата:
Херувим, Херувим, радувај се, радувај
Пресвета Владичице!

Да го воспееме Господ, Христос наш,
во пештера родениот:
Терирем, терирем, радувај се, радувај
Пречиста Владичице!

Дево, Мајко и Владичице,
спаси ги оние што кон тебе прибегнуваат
Свет, Свет, Свет си Пресвет Господи!

Вечниот Бог слегува
и во утробата на Дева се вселува:
Свет, Свет, Свет си Пресвет Господи!

Бадниковите Поворки се релативно нова традиција, која со организациска помош на училиштата, поедини наставници и хуманитарни организации, се обидува од година во година сѐ повеќе да заживее кај младите генерации.

Во продолжение – интегралната галерија од настанот. Децата беа во придружба на возрасни и родители кои не само што го одобруваа туку го поттикнуваа фотографирањето. Детската радост не е возможно да се цензурира, скрие или замати.

Христос се раѓа славете!
Христос се раѓа радувајте се!
За многу години мирот и радоста на светот!

The post Бадник во Битола – И сонцето ги поздрави сонцињата на Широк Сокак (ГАЛЕРИЈА) first appeared on Кепенци.

Средношколците заинтересирани за превенција од дијабетес

Editor — Sat, 26 Nov 2022 13:29:00 +0000

Во СОУ Таки Даскало Битола, во соработка со Центарот за јавно здравје, професорката по биологија Весна Христовска и Психолошко-педагошката служба, на 25.11.2022 година се реализира предавање и дискусија за дијабетес тип 1 и тип 2.

Посебен акцент беше ставен на дијабетес тип 1 кој за жал е во подем и е дијагностициран кај децата, тинејџерите и младата популација. Доброволно на вработените и учениците им беше измерен шеќер во крвта.

Голем интерес покажаа учениците од гимназиско образование- III10,11, природно-математичко Б подрачје, III 12 билигвалната гимназија и од стручното образование II 2 паралелка од сообраќајната струка.

Вакви и слични предавања ќе се реализираат и во иднина како резултат на континуираната соработка на СОУ Таки Даскалот Битола и ЦЗЈ.

The post Средношколците заинтересирани за превенција од дијабетес first appeared on Кепенци.

Можни прекини с.Кравари поради подобрување на водоводната инфраструктура

Editor — Tue, 15 Nov 2022 13:46:57 +0000

Во текот на утрешниот ден 16.11.2022 (среда), поради реконструкција на уличната водоводна мрежа ( промена на овален затворач Ф- 80) на ул. Битолска, со прекинато водоснабдување ќе бидат корисниците од с.Кравари.

Прекинот ќе трае од 8.30 часот до завршување со активностите.

Оваа реконструкција (промена на О.З ) се изведува со цел да се избегнат прекините во водоснабдувањето додека траат санациите при можни дефекти.

The post Можни прекини с.Кравари поради подобрување на водоводната инфраструктура first appeared on Кепенци.

Битола нема аеродром, ама нема ни хиподром

Editor — Wed, 02 Nov 2022 14:11:17 +0000

Битолчани денес со гордост се сеќаваат на епитетите на Битола како град на конзулите или на клавирите, па дури и на “дембелите” или кафепијачите на тефериџ, како носталгија кон традициите со која се спротиставуваат на современите процеси на обезградување на градот и постепеното претворање на некогашниот голем и важен економски, културен, дипломатски центар во провинција, како што велат во Скопје „од внатрешноста“.

Деновиве со снимањето на дел од сцените за турската серија во продукција на каналот на Дизни, посветена на Мустафа Ќемал Ататурк, Битолчани се потсетија и на времето на пајтоните и чезите, кога коњскиот тропот не беше непознат или редок звук за битолските сокаци и калдрми.

Но животот неминовно оди напред, а техничко технолошкиот развој разбирливо ја замени практичната употреба на коњите со автомобили, кои исто како и камерата, филмот и киното, многу рано ги имаше во некогаш „најградскиот град во Македонија“, за во времето на СФРЈ во 70-те и 80-те, Битола да стане втор град во Југославија, после Марибор, според бројот на автомобили по глава на жител.

Но тоа секако не требаше да значи дека во име на напредокот, треба да се напушти некогашната битолска урбана речиси „аристократска“ благородност, која секако, се поврзува со животните за кои велат дека се најблагородни и најдостоинствени – коњите.

Денешните битолски деца ретко можат да видат коњ во живо, освен во случаите на испуштени коњи кои понекогаш пасат меѓу зградите на периферните населби или се шетаат низ улиците, или коњите во запрега на Ромите кои собираат пластика по контејнерите, што од јавноста се смета за нешто лошо, и честопати се користи како аргумент на критичарите за т.н. “поселанчување“ или деурбанизација на градот.

Ако на ова се додаде дека најголемиот урбан центар во препанско-пелагонискиот регион кој се смета за подрачје со ресурси за најголем земјоделски потенцијал, тогаш е нејасен парадоксот, со кој често странците се многу изненадени – како може во средното Земјоделско училиште да има толку малку ученици, а и интересот за студирање на Земјоделскиот факултет не е баш за пофалба.

Токму затоа настанот, кој воочи празникот на Битола, 4 Ноември го организираат во Земјоделското училиште „Кузман Шапкарев“ во соработка со Здружението „Галоп“ Битолска коњаница има редок потенцијал, да лоцира, препознае и промовира една многу важна област за иднината на Битола и за целиот регион.

Низ игра и забава, со пристап близок до учениците, со денска Ди-Џеј журка, многу коњи меѓу кои и коњот Торнадо како атракција, зачинето со коктелите на Теодор Ралевски, но и со голема сериозност во протоколарниот дел во кој ќе земат учество и претставнци од Институтот за земјоделство и сточарство и ќе бидат потпишани Меморандуми за соработка, како прв чекор за покажување добра волја на еден заеднички пат кој може да доведе до многу поорганизиран развој на коњичкиот спорт во Битола, и поголема присутност на коњите за рекреација, едукација, туристичка атракција … итн.

Впрочем, и за да се вратат пајтоните низ битолските улици се потребни коњи, можност за организирано чување, одржување и тренирање во ергела, пристап до школи за рекреативно јавање, а зошто да не и Битолски Хиподром – како коњички центар во кој би се обновил, продолжил и развивал потенцијалот на некогашната битолска традиција.

The post Битола нема аеродром, ама нема ни хиподром first appeared on Кепенци.