rusija - Кепенци

Лавров: Во западот се шири русофобија

Editor — Sun, 25 Sep 2022 18:13:11 +0000

„Западот шири русофобија, целта е да се порази и уништи Русија, а со референдумите на украинските територии, локалните жители ја враќаат земјата која со векови била на нивните предци“

Сергеј Лавров рускиот министер за надворешни работи во Генералното собрание на ООН

The post Лавров: Во западот се шири русофобија first appeared on Кепенци.

Германија бара алтернативи за снабдување со руска нафта?

Editor — Sat, 17 Sep 2022 11:57:53 +0000

Германската влада донесе одлука за времено шестмесечно преземање на управувањето со постројките на руската нафтена компанија Роснефт.

Чекорот ќе значи преземање на најголемата рафинерија за нафта во Европа, “Пе-Це-Ка”(PCK) во Швед, во близина на границата со Полска, во која над една третина од акциите има компанијата „Шел” но со одлучувачкиот пакет во следните шест месеци ќе управува германската агенција за дистрибуција.

До сега рафинеријата се снабдуваше со руска нафта преку нафтоводот Дружба, но сега со оглед на санкциите од ЕУ, властите ќе бараат алтернативни начини, како нафтата од Росток, преку пристаништата во источна Германија да стигне до рафинеријата во Швед.

И покрај тоа што чинот на времена германска „конфискација” на фирмите и постројките на Роснефт во Германија, на прв поглед изгледаат како „непријателски чин” се чини дека Германија во договор со руските партнери и власти, заеднички бара начин како да го спречи недостигот на гориво во земјата, без притоа да во повреди сојузништвото со западните партнери кои воведоа ригорозни санкции и блокади кон Русија.

The post Германија бара алтернативи за снабдување со руска нафта? first appeared on Кепенци.

Утре средба лице в лице на Путин и Џипинг – најави и очекувања

Editor — Wed, 14 Sep 2022 10:32:27 +0000

На маргините на регионалниот азиски форум на Организацијата за шангајска соработка и т.н. Пат на свилата, во узбекистанскиот град Самарканд конечно ќе се случи очекуваната средба во живо меѓу рускиот и американскиот претседател, Владимир Путин и Си Џипинг.

Двајцата лидери подолго време комуницираа само телефонски или преку видео врска, а ова ќе е првпат кинескиот претседател Џипинг физички да ја напушти земјата од почетокот на ковид пандемијата.

Со оглед на тоа што форумот во Самарканд е од економска природа, сосема очекувани се најавите главна тема на разговор да биде меѓусебната трговска размена, со посебен акцент на енергенсите. Русија последните години неколкукратно го зголеми извозот на нафта во Кина, а сега се разгледуваат можности и за поголем извоз на природен гас, како алтернатива за пренасочување на гасот претходно наменет за гасоводите кон Европа.

Аналитичарите очекуваат високо на геополитичкиот дел од агендата да се најдат Украина и Тајван, за кои Русија се труди да стави знак на еднаквост, во обид да добие подиректна кинеска поддршка во врска со украинската инвазија.

Кина, досега се труди да се однесува балансирано во врска со Украина, одбивајќи да се приклучи на меѓународните санкции кон Русија, но во исто време со реторика со која го разбира, но не и директно поддржува руското воено интервенирање во Украина и со повторување на јасниот став дека преговори, а не војна се решението за руско-украинскиот проблем.

Од кинеска страна се вели дека партнерството со Русија се одвива добро и дека тие се широко отворени за секакво продлабочување на соработката меѓу двете земји.

The post Утре средба лице в лице на Путин и Џипинг – најави и очекувања first appeared on Кепенци.

Бајден ретерира – Русија не е терорист

Editor — Tue, 06 Sep 2022 08:54:06 +0000

„Не.“

– Џо Бајден, американски претседател запрашан дали Русија треба да биде прогласена за држава спонзор на тероризмот во рангот на Иран, Ирак, Сирија, Авганистан… во минатото.

Неочекувано променетиот став на Бајден за Русија е спротивен на иницијативата на двајца сенатори, републиканецот Линдзи Грахам и демократот Ричард Блументал, кои пред два месеца поднесоа таква резолуција во Конгресот за која тврдеа дека имаат едногласна поддршка.

Грахам и Блументал лобираа и за зголемување на воената помош за Украина, залагајќи се на земјата да и биде донирано оружје со висок домет, за кое амeрикански воени експерти предупредуваа дека Украина може, наместо за одбрана, без знаење на сојузниците да го употреби за офанзивни цели.

The post Бајден ретерира – Русија не е терорист first appeared on Кепенци.

Русија и НАТО си играат мачка и глушец со подморници низ европските води

Editor — Mon, 05 Sep 2022 10:14:40 +0000

Независните воени аналитичари велат дека Русија и НАТО продолжуваат да си „играат мачка и глушец” низ европските води, користејќи го военото распоредување и информациите повеќе за пропаганда, покажување моќ, закана и заплашување, отколку за реална воена интервенција.

https://twitter.com/CovertShores/status/1565727994710220802?s=20&t=apdy_lEQAunu3XOeWuSkNA

Токму затоа информациите за големите придвижувања и акции поврзани со нуклеарните подморници во меѓународни води, официјално не се потврдуваат од ниту една страна.

Независни експерти сметаат дека соопштението од италијанските власти, дека будно се следи и реагира на движењето на подморници во Средоземноморјето, всушност е потврда дека од петокот во водите на Медитеранот има „брканица” меѓу авионите на НАТО и најсовремената руска нуклеарна подморница Севернодвинск, за која сѐ уште нема прецизни информации со какви сѐ ракети и со колкав домет е опремена.

https://twitter.com/CovertShores/status/1566416359503822848?s=20&t=FmKIfUrw0QtZ61faXitIVw

Подморницата на почетокот на јули беше забележана и актуелна во водите на Балтикот, но по напуштањето на тоа подрачје , на крајот од август се појави во Медитеранот.

Во меѓувреме се случи уште едно големо придвижување на руска нуклеарна подморница, имено – крстаречкиот брод Маршал Устинов кој на 24 август го напушти Медитеранот, е видена блиску до каналот Ла Манш, што е многу блиску до копното на Велика Британија, Франција и Ирска.

Според независните воени аналитичари кои будно го следат секој поморски чекор поврзан со војната во Украина, малку е веројатно дека би дошло до вистински воен судир или до активирање на арсеналот на подморниците, но во секој случај се работи за големи стратегиски маневри кои треба да имаат пропаганден психолошки ефект на закана и покажување моќ.

Засега ништо од ова не е официјално потврдено од ниту една страна – воздржаност која само го потврдува огромниот пропаганден ефект на ваквите застрашувачки маневри, со кои военото разузнавање на двете страни е преокупирано со полна пареа.

The post Русија и НАТО си играат мачка и глушец со подморници низ европските води first appeared on Кепенци.

Без државни почести, Горбачов погребан во Москва

Editor — Sat, 03 Sep 2022 09:55:37 +0000

Поранешниот руски претседател Михаил Горбачов кој на 91 годишна возраст почина во вторникот, денес е погребан на Новодевичјите гробишта во Москва, без присуство на сегашниот претседател Владимир Путин, кој соопшти дека бил презафатен со набиена агенда.

Претседателот кој со неговите реформи наречени Гласност и Перестројка го реформираше Советскиот сојуз и создаде услови за паѓање на железната завеса и симболично уривање на Берлинскиот ѕид, е единствениот руски лидер, кој по Никита Хрушчов е погребан надвор од Кремљ, каде сите поранешни советски претседатели, вклучувајќи го и наследникот на Горбачов, Борис Елцин имаат свои гробници, споменици или мавзолеи.

Иако погребот не е државнички, сепак во неговата организација беше вклучена и државната гарда и протоколот кои обезбедија почесна стража и го организираа поклонувањето пред изложеното тело во Салата на столбовите, во зградата на поранешниот Парламент.

Во редиците руски граѓани кои се поздравуваа со Горбачов, се најде и Владимир Путин, кој со голем букет свежи рози, тивко се поклони пред одарот, без притоа да даде изјава или да одржи говор.

За разлика од погребот на Горбачов, погребот на неговиот наследник Борис Елцин, кој всушност и го избра Владимир Путин за своја замена, беше со високи државнички почести, дипломатски церемонии и целодневен пренос во живо на руската телевизија во 2007 година.

На тој погреб присуствуваа и двајца американски претседатели Бил Клинтон и Џорџ Буш, како и бројни државници од целиот свет.

Овојпат, Стејт Департментот соопшти дека американскиот амбасадор во Москва ќе присуствува на погребот, во услови кога претседателот Џо Бајден има и официјална забрана за влез во Русија.

Путин одби да даде било каква изјава за Горбачов, додека неговиот портпарол го оцени ликот и делото на таткото на модерна и демократска Русија во најмала рака како контроверзен, затоа што многумина сѐ уште му забележуваат за растурање и слабеење на моќта која ја имал СССР, и за преголемата доверба која ја имал во Западот, што денес со војната во Украина се покажало како погрешно.

Аналитичарите велат дека поголема улога во слабеењето на воената сила, економијата и угледот на Русија пред светот имал Борис Елцин, кој сепак се удостоил за државен погреб, според желбата на Путин, кој самиот бил предложен на функцијата од него.

Новинарите кои во последно контактирале со Горбачов, велат дека иако јавно никогаш не се изјаснил, тој бил многу загрижен за украинската криза и начинот на кој Русија, односно Путин се справува со неа.

Горбачов е погребан до неговата сопруга Раиса која почина во 1999 година, на Новодевичјите гробишта надвор од Кремљ, кои се познати по тоа што таму се погребани многумина истакнати руски писатели, уметници, научници и познати лица од јавниот живот.

The post Без државни почести, Горбачов погребан во Москва first appeared on Кепенци.

Германско-француско „не” за европско ембарго за руски туристи?

Editor — Tue, 30 Aug 2022 08:41:35 +0000

Германија и Франција се сепак против идејата, на руските туристи да им се забрани да патуваат во Европа. Од дводневниот министерски самит на ЕУ во Прага се очекува да произлезе заклучок со образложение – зошто таквата забрана би имала спротивни ефекти.

Главните аргументи се дека на Русите треба да им се дозволи, дури и да се поттикнат што повеќе да патуваат низ западните земји за одблиску да ги видат и да се запознаат со придобивките на животот во услови демократија и почитување на човековите права и други вредности на западната цивилизација.

Во неофицијалниот документ, кој се очекува да биде предложен од Франција и Германија, како одговор на барањата на балтичките земји од ЕУ за ембарго за руските туристи во ЕУ, се вели дека руските граѓани не треба да се поистоветуваат со руската влада, ниту пак сите Руси да се идентификуваат со политиките на Кремљ.

The post Германско-француско „не” за европско ембарго за руски туристи? first appeared on Кепенци.

Кина ќе учествува во заеднички воени вежби со Русија

Editor — Wed, 17 Aug 2022 18:00:21 +0000

Кинеското министерство за одбрана соопшти дека кинеската армија ќе земе учество во воените вежби на истокот на Русија „Восток 2022“ и дека учеството е како што се вели „неповрзано со актуелните регионални и меѓународни состојби“.

Воената вежба која ќе се одржи од 30 август до 5 септември, во која освен Индија, Монголија, Таџикистан и Белорусија ќе учествуваат и други земји кои засега не се именувани, не е прва заедничка руско-кинеска воена вежба. Двете земји изминатите години имаа неколку заеднички копнени, поморски и воздушни вежби.

The post Кина ќе учествува во заеднички воени вежби со Русија first appeared on Кепенци.

Русија ќе го одблокира извозот на украинско жито

Editor — Fri, 22 Jul 2022 09:13:32 +0000

Украина и Русија со посредство на Турција, и под патронство на ООН ќе потпишат договор за обезбедување непречен излез на жито од Украина преку Црното Море.

Потпишувањето на договорот, на кој му претходеше средба Путин-Ердоган во Иран, го најави и украинскиот претседател Зеленски.

Се очекува на чинот на потпишување во Истанбул да присуствува и генералниот секретар на ООН Антонио Гутереш.

Договорот е дел од меѓународните напори да се спречи светски недостиг од житарици и брашно, што во некои земји од Африка и Азија може да доведе и до криза со глад

The post Русија ќе го одблокира извозот на украинско жито first appeared on Кепенци.

Лавров – „САД и Англија сакаат вистинска војна меѓу Русија и Европа”

Editor — Wed, 20 Jul 2022 11:18:27 +0000

Војната во Украина влезе во 147-от ден.
Лавров тврди дека Велика Британија и САД ја туркаат Москва во војна со Европа.
Путин испрати борбени авиони над Баренцeвото Море. Украина се подготвува за офанзива на Крим.

The post Лавров – „САД и Англија сакаат вистинска војна меѓу Русија и Европа” first appeared on Кепенци.