zdravje - Кепенци

Четири микронутриенти кои ќе ви ја вратат енергијата и силата

Editor — Mon, 19 Sep 2022 16:14:27 +0000

Правилната исхрана е неопходна за да се чувствувате и изгледате здраво, енергично и свежо. Правилната исхрана е основа на грижата за себе, но не е единствениот предуслов за здравје. Има и други фактори, како редовна физичка активност, редовни прегледи, квалитетен сон итн.

Витамин Ц

Кога станува збор за витамините за замор и исцрпеност, витаминот Ц е пред сите. Витаминот Ц најмногу може да се најде во: цитрус, портокал, лимон, мандарина, калинка, јагоди, бибер, магдонос, брокула, кељ и друго.

Витамини од групата Б

Витамините од групата Б се одговорни за енергетскиот метаболизам. Иако можеме да зборуваме за секој витамин од групата Б посебно, тие се меѓусебно зависни на тој начин што ако недостасува еден витамин од групата Б, тогаш обично недостасува и друг. Примери за ова се витамин Б12 и фолати.
Витамини од групата Б има во: брокула, риба, млечни производи, банана, јајца, месо и слично.

Железо

Следниот важен микронутриент, поточно минерал важен за енергија, е железото. Веќе е познато дека недостатокот на железо предизвикува анемија, но може да биде предизвикан и од недостаток на витаминот Б12. Истовремено, треба да се знае дека храната од животинско потекло содржи железо, кое има подобра апсорпција од нехемското железо од растителна храна.

Магнезиум

Магнезиумот е еден од најзастапените минерали во нашето тело. Најголем дел е во коските, а остатокот е во мускулите, телесните течности и ткивата. Сигурно барем еднаш во животот сте доживеале мускулен спазам. Причината може да биде недостаток на магнезиум, кој делува како мускулен релаксант.
Магнезиумот се наоѓа во: мешунки, ореви, семиња и темно зелен зеленчук.

Едитор: Викторија Брдаровска

The post Четири микронутриенти кои ќе ви ја вратат енергијата и силата first appeared on Кепенци.

Сок од грозје – ем здрав ем без шеќер

Editor — Thu, 15 Sep 2022 09:12:18 +0000

Сокот од грозје содржи фитонутриенти, кои делуваат како антиоксиданси и имаат позитивни ефекти врз телото.

Сокот исто така има различни витамини и минерали, како што се витамин Ц, витамин Б6, манган и друго. Има и лековити својства, а тие се: намалување на холестерол, придонесува за подобра работа на срцето, го намалува ризикот од згрутчување на крвта, помага при дигестивни проблеми, го зајакнува имунитетот и друго.

За засладување не треба да додавате шеќер кога го правите, само малку лимон за вкус, додека за подготовка ви треба само грозје, а како опрема блендер.

Се препорачува да изберете црно или слатко грозје за сокот за да има подобар вкус. Сокот од грозје се подготвува без готвење.

Подготовка:

Одберете ги бобинките од грозје (околу 350 g) и ставете ги во вода да киснат пет минути.
Потоа ставете ги во блендер со 100 мл вода и матете додека не добиете мазна течност. Ако немате блендер, грозјето може да го испасирате со машина за пасирање компири или со раце.
После тоа, процедете го сокот низ сито за да се ослободите од тврдите семиња и кожата што не се измешала.
Додадете неколку капки лимон за засладување.

Уживајте во вашиот здрав сок од грозје

Едитор: Викторија Брдаровска

The post Сок од грозје – ем здрав ем без шеќер first appeared on Кепенци.

Велигденски милиброд

Editor — Fri, 22 Apr 2022 09:15:37 +0000

Состојки:

1 кг брашно тип 400
1 коцка свеж квасец
5 јајца
1 филџан масло или 1/2 коцка растопен маргарин
200 г шеќер
300 мл топло млеко
150 г суво грозје
100 г кора од лимон или портокал
1 јајце за премачкување

Подготовка:

Ставете го квасецот да се активира со малку сол, шеќер и топло млеко. Замесете меко тесто со брашното и квасецот.

Изматете ги јајцата и помешајте ги со шеќерот, топлото млеко, па додадете ги во брашното. На крај додадете го маслото или растопениот маргарин.

Тестото добро замесете го и оставете го да нарасне, половина час.

Тестото се премесува со удирање од работната маса, па се дели на 9 еднакви делови од кои се формираат топчиња

Од секое топче расукајте правоаголник, наросете го со суво грозје и кора од лимон и портокал (можете и да го премачкате и со мармалад ) и виткајте го како ролат.
Од три вакви ролати сплетете плетенка.
Ќе добиете три плетенки кои се печат во плех обложен со пекарска хартија.
Одозгора премачкајте ги со жолчка од јајце, па оставете ги уште некое време покриени на топло за да нараснат.

Печете ги на температура од 200 °С, околу 45 минути. Последните 15 минути покријте ги со фолија, намалете ја температурата намалете на 150°С и допечете ги.

Плетенките може да се спојат и во круг со дупка во средината, која Велигден се пополнува со велигденски јајца.

The post Велигденски милиброд first appeared on Кепенци.

Една лажичка мед пред спиење за многу здравје

Editor — Sat, 16 Apr 2022 21:37:39 +0000

Медот содржи хранлива состојка наречена триптофан, хормон кој ни помага да се опуштиме.

Понекогаш се будиме среде ноќ бидејќи на нашиот мозок му треба гликоген и ги стимулира надбубрежните жлезди да ги исфрлат адреналинот и кортизолот од телото. За среќа, медот содржи гликоген, па една лажица мед пред спиење ќе ви помогне да го избегнете адреналинот и да обезбедите добар сон.

Медот исто така содржи и антиоксиданс за кој е докажано дека го намалува крвниот притисок, па затоа една лажица мед пред спиење е лесен начин да го држите крвниот притисок под контрола.

Медот се поврзува со намалувањето на триглицеридите во организмот – ги претвора во “сојузници” кои ја чистат крвта од непотребните масти.

Медот има антибактериско дејство кое го зајакнува имунитетот, правејќи ве посилни во борбата против инфекциите предизвикани од бактерии, габи и бројни вируси.

Исто така медот го забрзува метаболизмот создавајќи термоген ефект. Тоа значи дека ја подобрува циркулацијата, што ја зголемува телесната температура, помагајќи ви да согорувате маснотии без многу проблеми.

The post Една лажичка мед пред спиење за многу здравје first appeared on Кепенци.