ЈКП „Водовод“ Битола информира дека по силните и обилни врнежи кои го зафатија градот во изминатите денови, нивните екипи работат без прекин на терен. Интервенции се изведуваат на повеќе критични точки ширум градот, при што екипите биле активни и за време на викендот.
Од претпријатието велат дека покрај поправките на бројни дефекти на водоводната мрежа, интензивно се спроведуваат активности за расчистување и санирање на поплавените делови. Целта е да се стабилизира системот и да се обезбеди уредно и непрекинато водоснабдување за сите граѓани.
„Работиме посветено и со сите расположливи ресурси за навремено справување со секоја ситуација“, порачаа од ЈКП „Водовод“ Битола.
