Со галопирачка инфлација тешко е да се зборува за пониски цени, но доколку инфлацијата се смири, Тесла би можел да ги намали цените на своите автомобили.
Речиси никој не е имун на инфлација, вклучително и Тесла. Eлон Маск пред четири месеци твитна за тоа како Tesla и SpaceX се изложени на „значителни инфлациски притисоци во суровините и логистиката“, и јасно е дека ситуацијата оттогаш се влошила.
Инфлацијата и состојбата на пазарот се одразија и на цените на автомобилите „Тесла“, кои годинава пораснаа неколку пати, а последниот пораст на цените беше забележан минатиот месец.
Но, штом ситуацијата ќе се подобри, не треба да се исклучи можноста Тесла да ги намали цените на своите автомобили, коментираше Маск минатата недела преку Твитер. Имено, на прашањето на еден корисник дали размислуваат за пониски цени на нивните автомобили откако ќе се намалат притисоците предизвикани од пандемијата и проблемите со глобалните синџири на снабдување, тој рече дека „можеби“ да ги намалат цените на нивните автомобили, но само доколку инфлацијата се смири.
Според податоците на Американското биро за статистика, стапката на инфлација во САД е зголемена за повеќе од 9 отсто во однос на минатата година, што е повисоко од претходните предвидувања, така што наскоро не треба да очекуваме намалување на цената на возилата на Тесла.
