Африканската земја Гана потврди два смртни случаи од најсмртоносниот вирус во светот, кој убива 90 отсто од заразените. Се работи за вирусот Марбург кој го пренесуваат лилјаците а последиците од него се повраќање на крв и крварење.
Шансите за преживување од овој вирус се многу мали т.е. 90% од заразените завршуваат фатално.
Моментално Гана ги потврди првите два случаи додека 98 лица се во карантин поради чекањето на анализите од тестирањата што се вршат во Сенегал.
Пренесувањето на вирусот од лилјаци на луѓе се претпоставува дека се случува преку јадењето на овошки.
Овој тип на лилјаци исто така се познади под името “летечки лисици” кои претежно се хранат со овошје а живеат во тропските области на Азија, Австралија, Источна Африка и на островите во Индискиот и Тихиот Океан.
Во Африка, овој вирус претходно беше регистриран во Ангола, Конго, Кенија, Јужна Африка и Уганда. За прв пат се појави во градот Марбург во Германија во 1967 година, кога загинаа седум лица. Овој вирус беше најсмртоносен во Ангола во 2005 година, каде што вирусот уби повеќе од 200 луѓе.
