Компанијата Индитекс сопственик на конфекцискиот шпански бренд „Зара”, соопшти дека планира оваа есен уште еднаш да ги зголеми цените на своите артикли, без ни малку страв дека тоа ќе влијае врз добивката.
Зара претставува соодветен феномен на конфекцискиот пазар, затоа што по зголемувањето на цените неколку пати, заради зголемените трошоци и инфлацијата која почна уште за време на ковид мерките, не само што нема загуба, туку бележи видливо зголемување на продажбата и профитот.
Откако на чело на компанијата застана ќерката на сопственикот на Индитекс, Марта Ортега, профитот скокна за 41%, а продажбата се зголеми за една четвртина.
Во Зара велат дека ова е потврда дека квалитетот и довербата се пресудни и поважни од ниската цена, додека аналитичарите се чудат како на купувачите им е сѐ уште толку важна модата во услови на зголемени трошоци за основен живот.
Покачувањето на цените пред почетокот на летото и на годишните одмори, кога луѓето интензивно купуваат облека за летување, не само што не ја намали продажбата, туку доведе до екстра профит.
Новото покачување најавено за есенва, се поклопува со сезоната за купување нова облека за враќање на работа и обнова на гардеробата за претстојната зима.
Додека банките и инвеститорите сѐ уште со недоверба и зачуденост гледаат на необичниот успех на Зара, компанијата ја зголеми пазарната вредност на рекордни 72 милијарди долари.
