Во екот на воената криза во Украина и веста дека Русија го подигна нивото на подготвеност на своето нуклеарно оружје, многу граѓани станаа свесни за потенцијалната опасност од нуклеарна катастрофа .
Во случај на детонација на нуклеарно оружје, се јавува изложеност на радиоактивни изотопи на јод, стронциум, цезиум и многу други. Јодот е специфичен по тоа што може да се инкорпорира во тироидната жлезда бидејќи е потребен за нејзиното нормално функционирање.
Вдишување на контаминиран воздух или голтање контаминирана храна и вода резултира со внатрешна изложеност на радиоактивен јод што претставува ризик за тироидната жлезда.
Но, постои превенција. Калиум јодинот, доколку се земе навреме кога лицето е изложено на радиоактивен јод,може успешно да ја блокира или намали акумулацијата на радиоактивен јод во тироидната жлезда.
Калиум јодин (јод во таблети) има заштитен ефект врз тироидната жлезда само во одреден временски период по појавата на радиоактивен облак. Внесувањето на калиум јодин во деновите и неделите пред потенцијалната нуклеарна катастрофа нема да има позитивен ефект,всушност, поверојатно е да се појават несакани ефекти.
Внесувањето на калиум јодин во организмот треба да биде прецизно дозирано од експерти и врз основа на планови за итни случаи. Дозите се поделени по време според возрасната категорија и радиусот на местото на удар.
