Дали Бајден ја враќа политиката на Трамп ? – прашува дури и Вашингтон пост, во жестоките реакции во јавноста на САД околу најавената средба на претседателот Бајден со саудискиот принц Мохамед Бин Салман.
Дали Бајден ќе оди против сопствените принципи и вредности и ќе се сретне со директниот инволвиран во убиството на новинарот и дисидент Кашоги? Дали нафтата е поважна од темелните вредности во општеството? Ова се прашањата кои сериозно му го нарушуваат угледот на Бајден, дури и кај своите поддршжувачи меѓу демократите.
И покрај бурата реакции, Бајден е сепак решен да се сретне со принцот Салман и да се обиде да ги обнови односите со Саудиска Арабија кои самиот целосно ги наруши.
Аналитичарите велат дека причината за средбата не е ниту нафтата и нејзината цена на меѓународните пазари, ниту Израел, како што од кабинетот на Бајден соопштуваат, туку стравот дека Саудиска Арабија, оставена без американско партнерство, веќе заминува во прегратките на Русија и Кина, особено откако се појавија најави дека Саудиска Арабија може да биде една од новите членки на сојузот БРИКС.
