Њам! - Кепенци

Дали здравите оброци се здрави?

Editor — Mon, 23 Jan 2023 20:06:20 +0000

Здравите оброци кои ги купуваме или подготвуваме дома (пр. банана, овес, гранола, боровинки, итн.) не се баш здрави како што замислуваме

Тоа е така бидејќи не се избалансирани најважните нутриенти – протеини, јаглехидрати и масти. Овие оброци најчесто содржат многу шеќер (или скроб – но тој се претвора во обичен шеќер со текот на варењето на храната) а малку протеини или масти. Иако ни се чини дека сме изеле здрав и балансиран оброк, воопшто не е така. Треба да внимаваме што внесуваме во организмот бидејќи со една “здрава” порција, а нив посебно ги јадеме за доручек, може да внесеме половина од јаглехидратите кои ни се потребни за цел ден! Не заборавајте дека секое парче храна содржи јаглехидрати.

Пример да земеме еден обичен ручек – леб, компир-манџа и зелка салата. Во едно парче сечен бел леб има 53г јаглехидрати. Да речеме јадете две – тоа се 106г. А сте изеле само леб, внимавајте. Потоа, во манџата (зависи колку ќе јадете) да речеме, 10-20г. Во салатата отприлика исто. Внесуваме протеини и масти, да, но колку јаглехидрати внесовме? И од тие, колку се обичен шеќер? Уште еднаш да го изедете истото – тоа се преку 150-200г јаглехидрати за само два оброка. Значи, гледате, не мора да јадете чоколадо секој ден за да внесувате премногу шеќер. Имам забележано дека многу луѓе мислат дека ако не јадат “благо” секој ден се ќе е во ред и потоа не им е јасно зошто им е покачен шеќерот во крвта.

Секој организам е различен. Секој треба да одреди колку јаглехидрати му се потребни, тоа е поврзано со годините, тежината и активноста во текот на денот. На спортист ќе му бидат потребни многу повеќе јаглехидрати отколку на човек кој не се занимава со спорт и работата му е на компјутер. Се препорачува 45%-65% од вкупнoто внесување на калории да бидат јаглехидрати. Тоа е околу 3-5г на килограм. Јаглехидратите ни даваат енергија, така што тие ни се неопходни за правилно да ни функционира телото.

Не плашете се ни од мастите! Многу луѓе ги одбегнуваат заради тоа што им е страв да не дојде до дебелеење. Не. Прекумерното внесување на масти е тоа што доведува до дебелеење. 1-1,5г по килограм е сосем доволно. Мастите се глицериди и можат да бидат заситени или незаситени.

Значи – да се вратиме на здравите оброци – не треба да се одбегнуваат, но не треба ни да ги јадеме секој ден. Најлесно ни е да посегнемe по “здрава порција” во продавница и да се убедиме дека постапуваме правилно со тоа што, ете нели, се храниме здраво. Не мора да бидеме опседнати со броењето на калории или шеќери, но сепак треба да внимаваме бидејќи многу лесно може да се претера.

За крај, еве еден рецепт за здрава порција за доручек што можете да го подготвувате секој ден:

100г овесни снегулки
Една (или половина) чаша јогурт
Два-три ореви
Половина банана
Една лажица путер од кикиритки
Една лажица мед

(Може и да се додаде протеин во прав – половина или цела дозерка – меѓутоа во овој случај не ставајте цела лажица путер од кикиритки.)

Автор Маја Јанушева

The post Дали здравите оброци се здрави? first appeared on Кепенци.

Пилешко роловано во тесто

Editor — Thu, 13 Oct 2022 13:55:08 +0000

Еве еден рецепт за прекрасните есенски денови.

СОСТОЈКИ:

1 пакување лиснато тесто
1 кг пилешко филе
2 лажици сенф
200 гр свински врат
200 гр кашкавал
1 јајце

НАЧИН НА ПОДГОТОВКА:

Преполовете го пилешкото филе, исчукајте ги двете половини и намачкајте ги со сенф.
На работна маса ставете проѕирна фолија. На двете парчиња месо ставете свински врат и кашкавал. Свиткајте и затегнете со фолија, па ставете во фрижидер да отстојат неколку часа.
Лиснатото тесто растегнете го, премачкајте го со јајце и со него обложете ги ролатите.
Печете половина час на 180 степени. Оставете да се излади, исечете и сервирајте.

Пријатен апетит!

Едитор: Викторија Брдаровска

The post Пилешко роловано во тесто first appeared on Кепенци.

Tестенини со свинско месо во сос од печурки

Editor — Wed, 21 Sep 2022 21:58:06 +0000

Состојки:

4 парчиња свински котлети

Состојки за тестенини:

200 гр брашно
2 јајца
1 литар минерална вода
сол

Состојки за сос од печурки:

250 гр печурки
1 чешне лук
1 гранче свежа мајчина душица
50 мл бело вино
100 мл шлаг (без шеќер)
маслиново масло
гранче свеж магдонос
сол, бибер

Подготовка:

Загрејте го маслото во тава. Зачинете ги котлетите со сол и бибер и пржете ги на тавата околу три до четири минути од секоја страна, додека не добијат убава кафена боја. Префрлете ги во чинија и покријте ги.

За сосот – добро измиете ги печурките и исечете ги на кришки. Загрејте ја тавата, додадете малку маслиново масло и додадете го сечканиот лук и мајчината душица. Кога ќе замирисаат, додадете ги печурките и продолжете со динстањето уште 10 минути додека не омекнат и не ја испуштат нивната течност. Месото вратете го во тавата и додадете вино. Динстајте додека да испари алкохолот и да се намали течноста. Зачинете со сол и бибер, па додадете го кремот и варете се додека сосот убаво не се соедини.
За тестенините, убаво изматете ги јајцата и измешајте ги со брашното. Мешајте со додавање вода додека тестото не почне да се лизга од лажицата. Оставете десет минути, а потоа турнете низ сито во врела вода.
Сосот посипете го со ситно сечканиот магдонос и послужете го со тестенините.

Добар апетит!

Едитор: Викторија Брдаровска

The post Tестенини со свинско месо во сос од печурки first appeared on Кепенци.

Маринада која го освежува и омекнува месото

Editor — Tue, 20 Sep 2022 19:02:04 +0000

Да се маринира месото или не, е прашање што многу аматери си го поставуваат во кујната. Добрата маринада може да го омекне и најтешкото парче месо, па гастро експертите препорачуваат дефинитивно да ставите поевтини парчиња месо во маринадата.

Состојки за маринадата:

соја сос 65 мл
вустершир сос 65 мл
65 мл маслиново масло
2 чешниња лук
2 лажици балсамико оцет
1 лажица сок од лимон
прстофат пипер
сол
црн пипер

Подготовка на маринадата:

Измешајте го свежо исцеден лимон со ситно сечканиот лук.
Во маринадата додадете соја сос, вустершир, маслиново масло, оцет, сол, црн пипер и кајен пипер.
Сè убаво измешајте и месото прелијте го со маринадата.
Оставете го месото да се маринира најмалку еден час, или преку ноќ.
Ако одлучите да маринирате неколку часа, задолжително ставете го месото во фрижидер.
Кога месото ќе биде подготвено за термичка обработка, испечете го на саканиот начин и послужете го топло.

Добар апетит!

Едитор: Викторија Брдаровска

The post Маринада која го освежува и омекнува месото first appeared on Кепенци.

Четири микронутриенти кои ќе ви ја вратат енергијата и силата

Editor — Mon, 19 Sep 2022 16:14:27 +0000

Правилната исхрана е неопходна за да се чувствувате и изгледате здраво, енергично и свежо. Правилната исхрана е основа на грижата за себе, но не е единствениот предуслов за здравје. Има и други фактори, како редовна физичка активност, редовни прегледи, квалитетен сон итн.

Витамин Ц

Кога станува збор за витамините за замор и исцрпеност, витаминот Ц е пред сите. Витаминот Ц најмногу може да се најде во: цитрус, портокал, лимон, мандарина, калинка, јагоди, бибер, магдонос, брокула, кељ и друго.

Витамини од групата Б

Витамините од групата Б се одговорни за енергетскиот метаболизам. Иако можеме да зборуваме за секој витамин од групата Б посебно, тие се меѓусебно зависни на тој начин што ако недостасува еден витамин од групата Б, тогаш обично недостасува и друг. Примери за ова се витамин Б12 и фолати.
Витамини од групата Б има во: брокула, риба, млечни производи, банана, јајца, месо и слично.

Железо

Следниот важен микронутриент, поточно минерал важен за енергија, е железото. Веќе е познато дека недостатокот на железо предизвикува анемија, но може да биде предизвикан и од недостаток на витаминот Б12. Истовремено, треба да се знае дека храната од животинско потекло содржи железо, кое има подобра апсорпција од нехемското железо од растителна храна.

Магнезиум

Магнезиумот е еден од најзастапените минерали во нашето тело. Најголем дел е во коските, а остатокот е во мускулите, телесните течности и ткивата. Сигурно барем еднаш во животот сте доживеале мускулен спазам. Причината може да биде недостаток на магнезиум, кој делува како мускулен релаксант.
Магнезиумот се наоѓа во: мешунки, ореви, семиња и темно зелен зеленчук.

Едитор: Викторија Брдаровска

The post Четири микронутриенти кои ќе ви ја вратат енергијата и силата first appeared on Кепенци.

Колач со суви смокви – без многу шеќер

Editor — Mon, 19 Sep 2022 07:12:33 +0000

Состојки за тесто:

250 гр пченично брашно
Компот од 175 мл (течност што ќе ја подготвитесами)
10 гр свеж квасец
0,75 мл масло
20 гр шеќер
Половина лажичка сол

Состојки за филот:

200 гр суви смокви
4 јаболка
1 портокал (кора)
100 гр сечкани бадеми.

Подготовка:

Јаболката излупете ги и исечете ги на дебели кришки, кората од портокал изрендајте ја, а смоквите исечете ги на третини.
Ставете се во тенџере и прелијте со 500 мл вода и варете додека водата не зоврие. Потоа намалете ја топлината и оставете да се крчка уште пет минути. Исклучете го и оставете го покриено околу 15 минути.
Издробете го квасецот и земете една лажичка од вкупната количина шеќер и посипете врз квасецот и додадете две супени лажици млака вода. Оставете го квасецот околу 10 минути.
Во меѓувреме во сад измешајте ги брашното и солта и исцедете го компотот и одвојте 175 мл течност од компотот. Доколку е потребно, процедете ја течноста низ сито за да не содржи трошки и кожа од плодовите.
Кога ќе отстои квасецот, додадете го во брашното. Потоа додадете го преостанатиот шеќер, маслото и течноста од компотот (треба да биде млак, но не топол, а доколку се излади слободно загрејте го малку).
Месете го тестото додека не се изедначи па формирајте топка и оставете ја покриена во сад да нарасне на топло место околу еден час.
Исцедените јаболка, смоквите и кората од портокал сомелете ги во блендер или миксер со стапчиња и додадете ги сечканите бадеми и сè убаво измешајте со тоа го добивте материјалот за полнење. Тестото треба да се расука во квадрат, рамномерно, а дебелината зависи од вашиот вкус.
Врз неа намачкајте го целиот фил рамномерно и внимателно завиткајте го (ролат) тестото со филот врз него.
Направете дупчиња со чепкалка по целата должина и печете во загреана рерна на 200 °C околу 30 минути.
Оставете да се излади и исечете на тенки парчиња.

Уживајте во неодоливиот вкус!

Едитор: Викторија Брдаровска

The post Колач со суви смокви – без многу шеќер first appeared on Кепенци.

Солен ,,кускус” – нешто несекојдневно, но вкуснo

Editor — Sat, 17 Sep 2022 12:50:22 +0000

Доколку ве интересираат рецепти за кускус со пилешко, овој е еден од омилените. Наместо класичен ориз, користете кускус.

Состојки:

4 парчиња пилешки батаци
1 лажичка лук во прав
половина лажичка пиперка
сол
бибер
1 сечкано чешне лук
1 шолја кускус
2 чаши пилешка супа или супа од зеленчук
1 гранче рузмарин
маслиново масло.

Подготовка:

Загрејте ја рерната на 205 °C. Сувите зачини (лук, сол и бибер) измешајте ги во сад и посипете ги врз пилешките батаци.
Во тавата загрејте го маслиновото масло и додадете ги пилешките батаци. Печете ги од секоја страна околу четири минути и извадете ги.
Во истото тавче додадете уште маслиново масло, па лукот и кускусот кој треба да добие златна боја.
Додадете ја пилешка супа или супата од зеленчук, па пилешко, по желба ставете лимон и рузмарин.
Се пече во рерна околу 15 минути.

Добар апетит!

Едитор: Викторија Брдаровска

The post Солен ,,кускус” – нешто несекојдневно, но вкуснo first appeared on Кепенци.

Три начини за подготвување на свинско филе

Editor — Fri, 16 Sep 2022 18:13:19 +0000

Љубителите на месо тврдат дека највкусно месо од сите видови е свинското филе. Со оглед на тоа што содржи многу маснотии треба да се подготвува внимателно и со љубов.

Пред каква било подготовка, важно е филето да се исчисти, правилно да се зачини а препорачливо е и така оставено и зачинето да се остави да отстои една ноќ.

Еве неколку начини како да подготвите вкусно свинско филе.

1. Свинското филе пропржете го од сите страни во врело тавче или на скара додека не добие убава темно кафеава боја. Потоа ставете го во загреана рерна на околу 180 Целзиусови степени околу петнаесетина минути да се испече и неговата внатрешност.

Над месото ставете алуминиумска фолија и оставете ги соковите да се стабилизираат околу осум минути пред да го исечете и послужите.
Послужете со пире од компири или салата од зеленчук.

2.Полнето свинско филе

Полнетото свинско филе е буквално пресечено и наполнето од внатрешната страна. Пред тоа убаво “истепајте” го со чеканче за готвење со цел да биде рамномерно насекаде.

Месото можете да го наполните со комбинација од шунка, сирење, печурки и зеленчук (по желба). Така завиткајте го во фолија и затворете го со чепкалки за заби. Може да го печите на скара или во рерна.

3.Свинско филе во лиснато тесто

Свинското филе карамелизирајте го во тавче, па премачкајте го со сенф додека е уште топло. Оставете го месото целосно да се излади. Филето завиткајте го со листови спанаќ, кришки пршута и сирење (по желба), потоа сè заедно завиткајте во пластична фолија и ставете го во фрижидер еден час.
Вака подготвеното свинско филе завиткајте го со развлечено лиснато тесто и ставете го во фрижидер да се излади најмалку половина час. Лепчето премачкајте го со „сос“ од жолчка и вода, па ставете го во загреана рерна на 180 Целзиусови степени околу 45 минути.
Препорачуваме да се служи дури е топло.

Добар апетит

Едитор: Викторија Брдаровска

The post Три начини за подготвување на свинско филе first appeared on Кепенци.

Палачинки од компири – рецепт за крцкава фантазијa

Editor — Fri, 16 Sep 2022 08:12:32 +0000

Состојки:

450 гр компири
100 гр брашно
2 јајца 1 кромид
1 лажичка прашок за пециво
сол и бибер по желба
масло за пржење

Подготовка:

Излупените компири и исчистениот кромид изрендајте ги на тенки ленти и ставете ги во чиста памучна крпа за да се исцеди вишокот течност. Исцедената смеса префрлете ја во поголем сад па додајте ги јајцата, брашното, прашокот за пециво, сол и бибер.
Сè добро измешајте.
Во тава загрејте малку масло за пржење и ставете една или две лажици од смесата во маслото. Направете рамномерен круг како палачинка со шпатулата. Печете ги палачинките од секоја страна околу пет минути или додека не добијат убава и крцкава златна површина.
Печените палачинки пред послужување ставете ги на мрсна хартија.

Добар апетит!

Едитор: Викторија Брдаровска

The post Палачинки од компири – рецепт за крцкава фантазијa first appeared on Кепенци.

Тестенини со грав – легендарно италијанско јадење

Editor — Thu, 15 Sep 2022 20:10:28 +0000

Тестенини со грав или оргинално “е фаџоли” најчесто се подготвуваат од бел грав. Секако, ова јадење може да се направи и со конзервиран грав, а кога се во прашање тестенините, најчесто се користат мали макарони.

Состојки за паста со грав:

500 гр варен грав
300 гр суви тестенини
100 гр панцета
3-4 конзервирани домати
2-3 чешниња лук
1-2 литри супа од зеленчук по желба
малку маслиново масло гранче
свеж рузмарин
сол и бибер по желба
рендано сирење по желба

Подготовка на тестенините со грав:

Гравот натопете го вечерта пред да го готвите, исцедете ја водата и варете го следниот ден на вообичаен начин. Во гравот можете да додадете неколку чешниња лук и малку свеж магдонос за подобар вкус. Посолете го гравот само на крајот од готвењето. Гравот гответе го од еден до два часа. Во поголемо тенџере пропржете ја ситно сечканата панцета на малку маслиново масло додека не добиете убава кафена боја. Потоа додадете ги исчистените чешниња лук (на парче) и рузмаринот, и динстајте минута-две. Во тенџерето ставете ги доматите од конзервата, сè убаво измешајте и динстајте неколку минути. Во садот додадете го сварениот грав, сè добро измешајте и динстајте минута-две за да се соединат вкусовите. Потоа додадете ги сувите тестенини и постепено сипете го густинот во тенџерето. Течноста треба да биде околу 5 сантиметри над останатите состојки во тенџерето, бидејќи тестенините ќе впијат многу вода за време на готвењето.

Внимавајте на садот и мешајте го постојано, бидејќи тестенините може да се залепат на дното на тенџерето. Ако забележите дека се залепуваат на дното додадете повеќе вода или. На крај додадете сол и бибер по ваша желба.

Добар апетит!

Едитор: Викторија Брдаровска

The post Тестенини со грав – легендарно италијанско јадење first appeared on Кепенци.