Турската ѕвезда Ебру Шахин, на македонската публика позната во улогата на Рејхан во серијата „Дива” го кажа судбоносното – ДА во татковината и родното место на нејзиниот избраник, НБА кошаркарската ѕвезда Џеди Осман на брегот на најстарото езеро во Европа.
![](https://www.kepenci.mk/wp-content/uploads/2022/07/ebri3.jpg)
Ебру со задоволство ја исполни желбата на својот сопруг познат по неговите јавни демонстрации на големата приврзеност и љубов кон Македонија и родниот град Охрид.
![](https://www.kepenci.mk/wp-content/uploads/2022/07/ebru2.jpg)
Џеди Осман кој е роден охриѓанец, иако добар дел од животот помина во Босна, Турција и Америка сепак остана верен на Македонија која секаде и во секоја прилика ја нагласува како своја Татковина.
![](https://www.kepenci.mk/wp-content/uploads/2022/07/evrbu-cove.jpg)
Во 2019 Џеди го привлече вниманието со уникатните патики со турско и македонско знаме со кои играше во НБА натпреварите. Џеди со задоволство се сеќава на детството во Македонија, но и на уличниот баскет во Битола на игралиштето во економското училиште и на ракометно додека како дете често престојувал кај своите роднини во Битола.
Свадбата во Охрид на брод среде езеро привлече големо внимание и во македонската и во турската јавност, а веселбата помина со неизоставните охридски чалгии и ендемичните специјалитети од риба.
![](https://www.kepenci.mk/wp-content/uploads/2022/07/eru-6.jpg)
Турските медиуми јавуваат за неизмерната среќа на младенците која не може а да не се забележи на сите објавени фотографии.