Најголемиот јапонски производител беше најавено минатата година да биде пристигнат во европските салони но после големи перипетии, забелешки и ред други проблеми кои ги имаше сега конечно стигнува на европскиот пазар со подобрени карактеристики што воодушевуваат.
Toyota bZ4X се заснова на механичка платформа развиена во соработка со Subaru и носи карактеристичен динамичен дизајн, пространа внатрешност, напредни карактеристики на теренецот и погон на сите тркала, така што е дизајнирана не само за асфалтни патишта, туку и за понапорни терени.
Благодарение на ефикасните мотори и управувањето со енергијата, батеријата од 71,4 kWh ќе му овозможи на овој автомобил да постигне поголема автономија со едно полнење од првично најавеното.
Во однос на моторизацијата, основниот модел со еден електромотор има максимална моќност од 204 КС (150 kW) . Тоа е доволно автомобилот да се забрза до 100 км/ч за 8,4 секунди, додека максималната брзина е ограничена на 160 км/ч.
Кога станува збор за гаранцијата за батериите, компанијата вели дека ќе им гарантира на клиентите дека нејзиниот употреблив капацитет нема да падне под 70% по 10 години, па дури и по милион милји.
Двете верзии на „bZ4X“ можат да се полнат на брзи полначи со максимална моќност од 150 kW, така што 30 минути се доволни за полнење до 80% од капацитетот на батеријата.
За лето се најавени првите испораки до клиентите во Европа.
