Во текот на ноќта дошло до престрелки меѓу војниците на Азербејџан и Ерменија околу oбласта Нагорно Карабах, каде двете земји имаат повеќедецениски конфликт.
![](https://www.kepenci.mk/wp-content/uploads/2022/09/2-47.jpg)
Азербејџанската војска јави и за жртви,ранети и други штети во своите редови, додека од ерменска страна нема извештаи за загуби, но Ереван потврди дека во текот на ноќта имало препукувања.
![](https://www.kepenci.mk/wp-content/uploads/2022/09/3-44.jpg)
Азербејџанската војска во шестнеделна акција во 2020 година воспостави целосна контрола врз Нагорно Карабах.
![](https://www.kepenci.mk/wp-content/uploads/2022/09/5-30.jpg)
Официјален Ереван ја известил Москва и побарал Русија да разговара за инцидентот во рамките на безбедносниот сојуз во кој е вклучен и Азербејџан, како и во Советот за безбедност на обединетите нации.
![](https://www.kepenci.mk/wp-content/uploads/2022/09/6-19.jpg)
Освен со Путин, ерменскиот премиер Никол Пашињан синоќа телефoнски разговарал и со американскиот државен секретар Ентони Блинкен и со францускиот претседател Емануел Макрон.
Блинкен од двете страни побарал итно прекинување на престрелките кои продолжија и денес.
![](https://www.kepenci.mk/wp-content/uploads/2022/09/7-15.jpg)
Двете страни меѓусебно се обвинуваат дека другата страна е таа што провоцира и го прекршува примирјето. Азербејџанскиот министер за одбрана тврди дека во редовите на нивната војска има и мртви и ранети и дека е оштетена воена инфраструктура.
![](https://www.kepenci.mk/wp-content/uploads/2022/09/8-11.jpg)