Од 24 до 27 март на Метаверз ќе се одржи првата Виртуелна модна недела.
Учество веќе најавија Селфриџис, Етро, Роберто Кавали, Томи Хилфигер, Долче&Габана и многу други.
Специфично за оваа модна недела во Мета Универзумот е што освен реална облека, која иако презентирана на виртуелен начин, ќе може вистински да се порача и купи, ќе бидат претставени и целосно материјално непостоечки виртуелни модели на облека и додатоци наменети за аватарите, ликовите во видео игрите, ефектите на апликациите итн.
Модната индустрија, како и целата трговија, веќе некое време постепено целосно се прилагодува на виртуелниот свет. На пример, брендот Гучи отвори свои онлајн-продавници кои се дел од архитектурата на неколку видео игри, во кои играчот попатно може да влезе, да проба и да си купи облека, која ќе му биде доделена на аватарот или ќе му биде материјално испорачана на домашна адреса.
Се очекува модниот простор на Метаверз да стане вообичаена редовна пракса за секојдневно купување облека.
