Началникот на заедничката команда а американските сили, генерал Марк Мајли и американскиот секретар за одбрана Лојд Остин заедно сведочеа пред конгресната Комисија за вооружените сили.
![](https://www.kepenci.mk/wp-content/uploads/2022/04/jasno-5.jpg)
Одговарајќи на прашања на конгресмените, генерал Мајли рече дека во неговата 42 годишна кариера, светот никогаш не бил толку нестабилен, со потенцијал од светски судир, ризик за светската безбедност – кој наместо да се намалува, сѐ повеќе расте.
![](https://www.kepenci.mk/wp-content/uploads/2022/04/jasno-3-1.jpg)
Мајли отворено оцени дека растечкиот воен потенцијал на Кина и Русија чии можности се значајно подобрени, сериозно и фундаментално ги менува правилата на постоечкиот светски поредок. Реферирајќи за американската воена помош за Украина, генералот ја исклучи можноста од вклучување на американски војници во судирот, затоа што тоа би значело сигурна опасност од ескалација на глобален конфликт, а би ја поттикнало и Кина да изврши воена интервенција во Тајван.
![](https://www.kepenci.mk/wp-content/uploads/2022/04/jasno-2-1.jpg)
Според првите луѓе на американската одбрана, санкциите кои се воведуваат кон Русија, немаат речиси никаков ефект врз нејзините воени дејствија во Украина, освен што долгорочно ќе ја направат интервенцијата поскапа. Конгресмените ја разгледуваа и идејата за отворање нови постојани американски воени бази во Источна Европа, но според системот на привремено ротирање на војниците со што би се избегнале законски задолжителните трошоци за сместување на нивните семејства, отворање градинки, училишта итн. Републиканските конгресмени ја критикуваа администрацијата на Бајден за погрешни анализи и проценки, кои по Авганистан, на уште полош начин им се повториле и во Украина.
![](https://www.kepenci.mk/wp-content/uploads/2022/04/jasno-1.jpg)