Кепенци

Почна реконструкција на водоводот на „Димитар Тодоровски“

Editor — Mon, 19 Oct 2026 11:49:14 +0000

Започна реконструкцијата на водоводната мрежа на улицата „Димитар Тодоровски“ во Битола, со која е предвидена целосна замена на старата водоводна линија и приклучоците до домаќинствата.
Постојната мрежа е стара повеќе од 40 години и е изградена од лиено-железни цевки. Со реконструкцијата, тие ќе бидат заменети со нови полиетиленски цевки, кои треба да обезбедат поголема издржливост и посигурно водоснабдување.
Од ЈКП „Водовод“ – Битола посочуваат дека активностите се дел од континуираните вложувања во обновување и модернизација на водоводната инфраструктура. Целта е да се намалат загубите на вода и да се подобри квалитетот и сигурноста на водоснабдувањето за граѓаните.

The post Почна реконструкција на водоводот на „Димитар Тодоровски“ first appeared on Кепенци.

ВОДОВОД БИТОЛА ЗАПОЧНА ТЕРЕНСКА ПРОВЕРКА НА КОРИСНИЦИТЕ И ВОДОМЕРИТЕ

Editor — Mon, 05 Oct 2026 08:57:34 +0000

ЈКП „Водовод“ – Битола започна организирана теренска акција за проверка и ажурирање на податоците за корисниците, водомерите и водоводните приклучоци.

Од претпријатието информираат дека во првата фаза теренските екипи ќе работат во Долно Оризари, Буковски Ливади и Старата Битолска Чаршија.

Од „Водовод“ ги повикуваат жителите од овие подрачја да обезбедат слободен и безбеден пристап до водомерите и, доколку е потребно, да бидат достапни за проверка и усогласување на корисничките податоци.

Акцијата ќе се спроведува етапно и во останатите делови на Битола, а граѓаните дополнително ќе бидат информирани за продолжувањето на теренските активности.

The post ВОДОВОД БИТОЛА ЗАПОЧНА ТЕРЕНСКА ПРОВЕРКА НА КОРИСНИЦИТЕ И ВОДОМЕРИТЕ first appeared on Кепенци.

РЕКОНСТРУКЦИЈА НА ВОДОВОДОТ НА УЛИЦАТА „ХРИСТО БОТЕВ“ ВО БИТОЛА

Editor — Wed, 30 Sep 2026 19:13:51 +0000

ЈКП „Водовод“ – Битола започна со реконструкција на водоводната мрежа на улицата „Христо Ботев“. Активностите ќе продолжат до целосно завршување на предвидената делница, со цел подобрување на водоснабдувањето за жителите во овој дел од градот.

Од претпријатието информираат дека во завршна фаза е и реконструкцијата на улицата „150-та“. Во наредниот период се очекува да започнат активности и на делови од улиците „Дебарска“ и „Студентска“.

The post РЕКОНСТРУКЦИЈА НА ВОДОВОДОТ НА УЛИЦАТА „ХРИСТО БОТЕВ“ ВО БИТОЛА first appeared on Кепенци.

РЕКОНСТРУКЦИЈА НА ВОДОВОДНАТА МРЕЖА НА УЛИЦА „150-ТА“ ВО БИТОЛА

Editor — Thu, 24 Sep 2026 13:30:55 +0000

ЈКП „Водовод“ – Битола ја продолжува реконструкцијата на водоводната мрежа во рамки на инфраструктурните активности од БРЛ 4. Во тек се работите на улица „150-та“, со што започна последната фаза од реконструкцијата на водоводната мрежа на комплексот улици „150-та“, „170-та“ и „210-та“.

Од претпријатието велат дека по завршувањето на работите ќе биде целосно заокружена реконструкцијата во овој опфат. Со проектот се очекува да се подобри сигурноста и квалитетот на водоснабдувањето за жителите од овој дел на Битола.

The post РЕКОНСТРУКЦИЈА НА ВОДОВОДНАТА МРЕЖА НА УЛИЦА „150-ТА“ ВО БИТОЛА first appeared on Кепенци.

Прекин на водата во Битола поради дефект

Editor — Wed, 16 Sep 2026 17:43:56 +0000

Утре, 17 септември, поради дефект на челична водоводна цевка Ф-300, ќе има прекин во водоснабдувањето за корисниците од зградите „Ремо“, „Васко Карангелевски“ на броевите 64 и 85, како и за објектот „Веро“.

Од ЈКП „Водовод“ – Битола информираат дека прекинот ќе започне во 09:00 часот и ќе трае до завршување на активностите за санација.

При изведувањето на работите можно е оштетување на велосипедската патека, која по завршувањето на санацијата ќе биде вратена во првобитната состојба.

Од претпријатието им се заблагодаруваат на граѓаните за разбирањето.

The post Прекин на водата во Битола поради дефект first appeared on Кепенци.

Поради дефект прекинато водоснабдувањето во дел од Битола

Editor — Mon, 07 Sep 2026 06:23:34 +0000

Поради дефект на водоводна цевка ПВЦ Ф-160, денеска, 7 септември, ќе биде прекинато водоснабдувањето за корисниците од зградите „Ремо“, на улицата „Васко Карангелевски“ со броеви 64 и 85, како и за објектот „Веро“.

Од ЈКП „Водовод“ – Битола информираат дека прекинот ќе трае до целосно завршување на активностите за санација на дефектот.При изведувањето на работите можно е да дојде до оштетување на велосипедската патека. Од претпријатието уверуваат дека по завршувањето на санацијата, патеката ќе биде вратена во првобитната состојба.

Од ЈКП „Водовод“ – Битола им се заблагодаруваат на граѓаните за разбирањето.

The post Поради дефект прекинато водоснабдувањето во дел од Битола first appeared on Кепенци.

Прекин на водоснабдувањето во повеќе населени места во Битола

Editor — Mon, 24 Aug 2026 15:33:20 +0000

Поради дефект на водоводната мрежа во Фринко – Фрижидери, во текот на утрешниот ден, 25 август 2026 година (вторник), ќе има прекин во водоснабдувањето.
Без вода ќе бидат корисниците од Идеал Шипка, Прогрес, село Поешево, село Логоварди, населба Боримечка и Квасара.
Прекинот на водоснабдувањето ќе започне во 09:00 часот и ќе трае до завршување на активностите за санација на дефектот.
Од надлежните служби ги известуваат граѓаните навремено да обезбедат потребни количини вода.

The post Прекин на водоснабдувањето во повеќе населени места во Битола first appeared on Кепенци.

ЗАПОЧНА РЕКОНСТРУКЦИЈАТА НА ВОДОВОДНАТА МРЕЖА НА УЛИЦАТА „МАРКС И ЕНГЕЛС“ ВО БИТОЛА

Editor — Mon, 24 Aug 2026 09:17:50 +0000

Денеска започна реконструкцијата на водоводната мрежа на делница од улицата „Маркс и Енгелс“ во Битола, информираат од ЈКП „Водовод“ – Битола.
Со проектот е предвидена реконструкција на две делници, односно 184,28 метри на првиот профил и 69,48 метри на вториот профил. Во рамки на работите ќе бидат реконструирани и 35 куќни приклучоци, при што вкупната должина на мрежата зафатена со приклучоците изнесува 396,8 метри.
Од ЈКП „Водовод“ посочуваат дека проектот е дел од проектите добиени во рамките на Вториот повик на Владата на Република Северна Македонија за поддршка на проекти за унапредување на локалната самоуправа.
Реконструкцијата е дел од пошироките активности за постепена и целосна замена и модернизација на водоводната мрежа во градското подрачје на Битола.
Целта е да се подобрат сигурноста и квалитетот на водоснабдувањето, како и да се обезбеди постабилен водоснабдителен систем за граѓаните.
Од ЈКП „Водовод“ – Битола најавуваат дека граѓаните навремено ќе бидат информирани за наредните активности и динамиката на изведување на градежните работи.

The post ЗАПОЧНА РЕКОНСТРУКЦИЈАТА НА ВОДОВОДНАТА МРЕЖА НА УЛИЦАТА „МАРКС И ЕНГЕЛС“ ВО БИТОЛА first appeared on Кепенци.

Водоснабдувањето во Битола постепено се нормализира, притисокот сè уште намален во повисоките делови

Editor — Thu, 20 Aug 2026 22:35:52 +0000

По отстранувањето на дефектот, водоснабдителниот систем во Битола постепено се враќа во нормален режим на работа.

Од ЈКП „Водовод“ – Битола информираат дека во моментов резервоарите постепено се полнат, а системот контролирано се стабилизира за да се избегнат нагли промени на притисокот и евентуална појава на хидрауличен удар во водоснабдителната мрежа.

Поради постепеното стабилизирање на системот, во одредени, особено повисоки делови од градот, притисокот на водата сè уште може да биде намален.

Од „Водовод“ посочуваат дека со достигнувањето на потребното ниво во резервоарите, притисокот постепено ќе се стабилизира и ќе се врати на вообичаените вредности.
Екипите на ЈКП „Водовод“ – Битола остануваат на терен и континуирано ја следат состојбата со водоснабдителниот систем.

Во прилог на видеото можете да го погледнете целосното соопштение од ЈКП „Водовод“ – Битола.

The post Водоснабдувањето во Битола постепено се нормализира, притисокот сè уште намален во повисоките делови first appeared on Кепенци.

ЈКП „Водовод“ – Битола апелира на рационално користење на водата

Editor — Thu, 30 Jul 2026 11:23:07 +0000

ЈКП „Водовод“ – Битола упати апел до граѓаните за рационално и одговорно користење на водата, особено во летниот период кога потрошувачката е значително зголемена.

Од претпријатието повикуваат водата да се користи совесно и да се избегнува непотребното трошење, со цел да се обезбеди стабилно и непречено водоснабдување за сите корисници.

Надлежните апелираат граѓаните со одговорен однос кон потрошувачката да придонесат за зачувување на водните ресурси и за редовно снабдување во текот на летната сезона.

The post ЈКП „Водовод“ – Битола апелира на рационално користење на водата first appeared on Кепенци.