Откако се дозна дека Илон Маск стана мнозински акционер на Twitter и се приклучува на бордот на директори на компанијата, стана јасно дека оваа социјална мрежа ја чека интересен и турбулентен период и дека ќе се случат одредени промени. Маск ги навести промените во првите твитови откако дозна за неговата нова улога на Твитер, а тоа е воведување на опцијата за уредување твитови.
Во еден од тие твитови тој постави прашање – „дали Твитер умира“ , мислејќи на неактивноста на најпопуларните корисници на оваа мрежа. Тој објави листа на првите десет профили на оваа мрежа кои имаат меѓу 77 и 131 милион следбеници и напиша дека повеќето од овие луѓе ретко твитаат и дека објавуваат многу малку содржина. Тој ја наведе Тејлор Свифт како пример , велејќи дека не објавила ништо три месеци, додека Џастин Бибер објави само еден твит оваа година.
