Поради обилните врнежи и дефект на електричната мрежа на улицата „16-та“, каде што се наоѓа управната зграда на ЈКП „Водовод“ – Битола, административните активности на претпријатието привремено се одвиваат во отежнати услови.
Од претпријатието информираат дека во текот на вчерашниот ден, особено во вечерните часови, нивните екипи активно интервенирале на повеќе локации каде што била потребна помош, а паралелно работеле и на справување со последиците во објектот на дирекцијата.
И покрај настанатата состојба, теренските активности и реализацијата на сите планирани дневни задачи продолжуваат непречено.
Од ЈКП „Водовод“ посочуваат дека по целосната санација на дефектот и повторното воспоставување на електричното напојување, административните служби ќе продолжат со редовно функционирање.
Од претпријатието им се заблагодаруваат на граѓаните за разбирањето и трпението.
ЈКП „Водовод“ – Битола со апел: Штедете вода и навреме плаќајте ги сметките
ЈКП „Водовод“ – Битола упати апел до сите граѓани за рационално и одговорно користење на водата во текот на летниот...
Прочитај повеќе
