Земјотрес со јачина од 5,7 степени според Рихтеровата скала, вечерва ја потресе Босна и Херцеговина.
Според сведоштвата на жителите земјотресот во планинското подрачје во близина на Мостар и Столац, траел долго, постепено засилувал, бил проследен со силна бучава и давал впечаток дека тресењето на тлото е насочено на сите страни.
Жители на Мостар јавуваат и за прекин на електричната енергија во делови од градот. Земјотресот ги вознемири и Сараевчани, како и жителите на Црна Гора и Хрватска, а е со поблаг интензитет почувствуван и во Македонија.
