НАСА ОБЈАВИ МОРНИЧАВ ЗВУК ОД ЦРНА ДУПКА ОДДАЛЕЧЕНА 250 МИЛИОНИ СВЕТЛОСНИ ГОДИНИ

Американската вселенска агенција НАСА објави аудио снимка што открива како звучи црна дупка во длабоката вселена, а снимката веднаш стана вирална на интернет. Морничавиот звук потекнува од галактичкото јато Персеј, оддалечено околу 250 милиони светлосни години од Земјата. Иако вселената најчесто се смета за тивка, научниците објаснуваат дека во региони богати со гас звучните бранови можат да патуваат. Со помош на податоци од вселенската опсерваторија „Чандра“, истражувачите регистрирале бранови на притисок што се шират околу црната дупка. Бидејќи тие биле целосно нечујни за човекот, фреквенцијата била зголемена за 57 и 58 октави преку постапка наречена звучно претворање на податоци. Резултатот е длабоко зуење што многумина го споредуваат со звук од хорор филм. Научниците велат дека станува збор за вистински астрономски податоци, што ова откритие го прави уште пофасцинантно.