Драги мои од печат излезе мојата најнова збирка песни „Бескрајно светла точка“, посветена на мојот син Андреј, а по повод неговиот 20-ти роденден. Со оваа збирка, всушност се заокружува бројот од 25 објавени поетски збирки до овој период. Рецензент е проф. д-р Васил Тоциновски, а дизајнот на корицата е на проф. Весна Мундишевска-Велјановска, им благодарам на обајцата….
Вака неуморниот македонскиот драмски писател, драматург, сценарист, поет, прозаист, публицист, театролог и единствен натуралист во македонската литература, Зоран Пејковски го најави излегувањето од печат на неговата најнова збирка поезија „Бескрајно светла точка“.
![](https://www.kepenci.mk/wp-content/uploads/2022/09/1.1-.jpg)
Пејковски неодамна со посебна објава на заедничка фотографија со неговата светла точка – синот Андреј, со јавен татковски совет му го честиташе 20 роденден.
Среќен 20-ти роденден синко, и запомни животот е полн со замки, а замките ги прават и тие, од кои не ги очекуваш, затоа внимавај кому ќе веруваш, биди мудар и секогаш подготвен. Иднината нека ти биде исполнета со здравје, убавина, радост, мудрост…
напиша на социјалната мрежа Фејсбук писателот
![](https://www.kepenci.mk/wp-content/uploads/2022/09/1-149.jpg)
Покрај уникатниот еп „Нож“, кој претставува негово најзначајно книжевно дело од македонската историја, како и стихозбирката „Убавите жени“, книгата посветена на синот „Бескрајно светла точка” е 25 поетска збирка песни од вкупно 55 книжевни дела на Пејковски.
![](https://www.kepenci.mk/wp-content/uploads/2022/09/2-142.jpg)
![](https://www.kepenci.mk/wp-content/uploads/2022/09/3-130.jpg)
Пејковски е редовен академик на Руската Федерација,а од институцијата Светски амбасадори на мирот (Universelle des Ambassadeurs de la Paix, France & Switzerland) е назначен за почесен амбасадор на мирот.
![](https://www.kepenci.mk/wp-content/uploads/2022/09/6-63.jpg)
![](https://www.kepenci.mk/wp-content/uploads/2022/09/5-89.jpg)
Посебно значење има наградата Европски медал за поезија и уметност „Хомер“ што ја доделува Номинациската комора за награди од Брисел при Европската Унија, со што се здоби со титулата Европски писател на поезијата и уметноста.
![](https://www.kepenci.mk/wp-content/uploads/2022/09/111.jpg)
Член е на Друштвото на писателите на Македонија од 1995 година, член е на Друштвото на светските поети (Poetas delmundo) со седиште во Чиле од 2017, а тој е и почесен член на Сојузот на Украинските писатели од 2018 година. Член е и во други писателски асоцијации и друштва.
![](https://www.kepenci.mk/wp-content/uploads/2022/09/11-14.jpg)
Меѓу другото работи и како доцент по предметите „Театар и „театрологија“ на Интернационалниот универзитет „Европа Прима“ од Скопје, а еден период тој беше и асистент на ректорот Јордан Плевнеш.
![](https://www.kepenci.mk/wp-content/uploads/2022/09/12-10.jpg)