Серијата 12 на Xiaomi доаѓа со MIUI 13 кој вклучува поголема ефикасност, попаметна обработка и подолго траење на батеријата.
Xiaomi претстави нова серија мобилни уреди – Xiaomi 12, која се состои од Xiaomi 12 Pro, Xiaomi 12 и Xiaomi 12X.
Како што беше истакнато на презентацијата, акцентот во оваа серија е ставен на моќните камери, долготрајната батерија и брзиот процесор. Така, сите три модели имаат професионален троен сет на камери, со главна широкоаголна камера со резолуција од 50MP, со можност за снимање во 8K резолуција на Xiaomi 12 Pro и Xiaomi 12.
На светската премиера беа истакнати цените во долари. Така, Xiaomi 12 Pro доаѓа во две варијанти, 8 GB + 256 GB, 12 GB + 256 GB, со цена од 999 долари. Xiaomi 12 во три варијанти, 8 GB + 128 GB, 8 GB + 256 GB, 12 GB + 256 GB, по цена од 749 долари. Додека Xiaomi 12X доаѓа во две варијанти, 8 GB + 128 GB, 8 GB + 256 GB со цена од 649 долари.
