Во рамките на вежбите и практичниот дел од часовите по стручните предмети во графичката струка од СОУ “Таки Даскало” Битола, учениците од I, II, и III година, профил графички техничар, образовните асистенти, како и одговорните наставници по графички стручни предмети Катерина Спасовска-Маурдева, Валентина Ристевска и Весна Мундишевска-Велјановска, на 4.10.2022 ја посетија книговрзувачката работилница “Книговез” и Националната работилница за рачно изработена хартија “Св.Наум Охридски” во Охрид.
![](https://www.kepenci.mk/wp-content/uploads/2022/10/1-29.jpg)
Тука учениците имаа можност да ја видат уметноста и уникатноста во графичкиот занает.
![](https://www.kepenci.mk/wp-content/uploads/2022/10/3-25.jpg)
![](https://www.kepenci.mk/wp-content/uploads/2022/10/2-28.jpg)
Во работилницата “Книговез” се запознаа со постапките на рачната изработка на тврдо поврзување на нотесот од самиот почеток, па се до финален производ.
![](https://www.kepenci.mk/wp-content/uploads/2022/10/4-18.jpg)
Имаа можност да ги видат и да ракуваат со приборот и алатите кои се користат во овој процес. На среќата и немаше крај, кога учениците добија готов графички производ изработен со сопствени раце.
![](https://www.kepenci.mk/wp-content/uploads/2022/10/5-19.jpg)
Во Националната работилница за рачно изработена хартија, пак, ја видоа древната постапка за добивање на хартија, научија за специфичните карактеристики на суровините што се користат во овој процес и имаа чест да отпечатат на една од двете копии на Гутенберговата преса која се наоѓа во овој музеј, а другата во Блед, Словенија.
![](https://www.kepenci.mk/wp-content/uploads/2022/10/6-16.jpg)
Продажните експонати во музејот пленеа со својата уникатност и оригиналност и беа добар пример како треба да се негува традицијата и уметноста.
![](https://www.kepenci.mk/wp-content/uploads/2022/10/8-7.jpg)
Ваквата посета беше продуктивна и од претприемачки аспект бидејќи учениците имаа можност да видат и начини на заработка со голема креативност и, секако, примена на знаењата стекнати на часовите по графичките стручни предмети.