Над 100 бруцоши присуствуваа на првиот академски час, како и на свеченото врачување на индекси кое се одржа на 3 октомври на МСУ во Битола.
Настанот го водеше Марјан Ѓоргиевски.
Свои обраќања имаа проректорот на Меѓународен Славјански Универзитет, проф. д-р Васко Стамевски, проф. д-р Јулијана Силјаноска, продекан на Факултетот за економија и организација на претприемништво, доц. д-р Анита Ристеска, декан на Факултетот за психологија, проф. д-р Мимоза А. Јанкуловска, професор на Факултетот за информатика, проф. д-р Цветанка Митревска, декан на Факултетот за безбедносно инженерство и проф. д-р Марија Гроздановска, продекан на Факултетот за правни науки.
На настанот студентите можеа да се запознаат со универзитетот и со службите кои работат за да им го олеснат процесот на студирање. Исто така студентите можеа да се запознаат со Службата за студентски прашања, Центарот за кариера, библиотеката, книжарницата и издавачката куќа, службата за Е-учење итн.
