Познатата Рубикова коцка е измислена во 1974 година во Унгарија. Нејзиниот “пронаоѓач” е професорот Ерно Рубик, унгарски архитект. Пред овој изум тој сакал да им задава различни задачи на своите студенти, а потоа си поставил сам на себе предизвик – да произведе предмет чии делови се поместуваат без да ја нарушат целината.
![](https://www.kepenci.mk/wp-content/uploads/2022/10/2-21.jpg)
На својот проект тој работел скоро еден месец и ја измислил т.н. Магична Коцка како што првично се викала популарната Рубикова Коцка.
![](https://www.kepenci.mk/wp-content/uploads/2022/10/3-19.jpg)
Пуштил во продажба 1000 коцки од кои само половината биле продадени, па сфатил дека својот изум мора да проба да го продава надвор од државата, но и тоа не можел да го направи бидејќи Унгарија тогаш била комунистичка држава, и се вратил на професорската работа.
![](https://www.kepenci.mk/wp-content/uploads/2022/10/4-14.jpg)
Еден бизнисмен од Австрија кога бил во посета на Унгарија видел како некој келнер во рацете си игра со интересна играчка.
![](https://www.kepenci.mk/wp-content/uploads/2022/10/5-14.jpg)
Тоа го импресионирало и му ја откупил на келнерот коцката за еден долар. Потоа се распрашал кој е изумителот на играчката, успеал да го најде професорот Рубик и веднаш му направил план како да ја продаваат.
![6](https://www.kepenci.mk/wp-content/uploads/2022/10/6-11.jpg)
Компанијата “Идеални играчки“ во 1980 година ја откупува лиценцата на Ерно Рубик и почнува да ја дистрибуира низ целиот свет.
![](https://www.kepenci.mk/wp-content/uploads/2022/10/11-5.jpg)
Не поминало многу време откако продажбата почнала да им се зголемува и Рубиковата коцка добива светска популарност и продажба на стотици милиони примероци.
![](https://www.kepenci.mk/wp-content/uploads/2022/10/7-8.jpg)